Charter Document - 04100140
| Charter Number: | 04100140 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis presentem litteram inspecturis Ego Chvnradus de Paulstorf cupio fore notum quod cum Vlricus de Zeitlaren predium situm in Chnelling solvens VI solidos deneriorum Rat[isponensium] annuatim a me possidens iure feodali inminente sibi mortis periculo hospitali sancte Katherine Rat[isponensis] pro parte tantum media cum mea voluntate legasset racionabiliter et consensu Frater Heinricus de Reitelnchouven tunc temporis existens magister hospitalis mecum de dicto predio sic convenit quod pro tempore vite me redditus eiusdem predii totaliter perciperem et post obitum meum ad predictum hospitale sine contradictione qualibet totum predium amplius libere pertineret Longo tamen intervallo temporis mediante ductus instanti peticione fratris Chvnradi dicti de Herting magistri hospitalis receptis ab eodem nomine hospitali IX libros deneriorum Rat[isponensium] sepefatum predium cum omnibus suis attinenciis cultis et incultis quesitis et inquirendis donavi et tradidi supradicto hospitali perpetuo possidendum promittendo ettiam una cum dilecta uxore mea Agnete ac filio meo Heinrico pro auctoribus quod vulgo dicitur gwer nos gerere et prestare pro decem annos continue secuturos In cuius rei testimonium presens scriptum munimine sigilli mei diligenciis feci conmuniri testibus subnotatis Testes sunt dominus H Romanus frater Chvn[radus] de Nvernberch frater Chvn[radus] de Abach frater Weimarus frater Wernherus Heinricus Schertzer Chvnradus Rechtzer et alii quam plures fide digni Acta sunt hec anno domini MCC Nonagesimo V in die beate Agathe mart[yris]