Charter Document - 04100139
| Charter Number: | 04100139 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Universis presentem litteram inspecturis ego Otto de Dern cupio fore notum quod una cum consilio et consensu dilecte uxoris mee Petrisse et filiorum meorum Vlrici ac Ottonis necnon filiarum mearum videlicet Agnetis Heitwigis Dimudis Elyzabete predium meum situm in Dern quod vulgo dicitur Chatplan cultum et incultum quesitum et inquisitum hospitali sancte Katherine Rat[ispone] vendidi titulo proprietatis accedente omni meorum amicorum conformiter voluntate quod ettiam a meis posteris ratum gratum et inconvulsum volo inviolabiliter observari In cuius rei testimonium et certitudinem presens scriptum munimine sigilli nobilis viri domini H de Parsperch feci communiri testibus subnotatis Testes sunt Heinricus de Dern Vlricus ibidem Vlricus Bonus Vlricus de Sigershouen Heinricus dictus Hemel frater Ch[unradus] de Nernberch frater Ch[unradus] de Abach frater Fridricus frater Weimarus et alii quam plures fide digni Acta sunt hec anno domini MCC nonagesimo V in vigilia purificacionis beate virginis