Charter Document - 04100138
| Charter Number: | 04100138 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Vlricus dictus Zwigel civis in Ingolstat tenore presentium constare cupio universis quod accedente bona voluntate ac consensu Chveneg[un]d[is] uxoris mee karissime necnon filiorum meorum Heinrici et Greimoldi et aliorum heredum meorum omnes agros meos in campis adiacentibus civitati Ingolstatensi predicte sitos cultos et incultos quesitos et inquirendos michi iure proprietatis pertinentes hospitali in Ratispona et suis procuratoribus pro duodecim libris denar[iorum] Ratispon[ensium] vendidi ipsis eosdem agros per discreti viri Leutivini tunc iudicis manum iuxta premisse civitatis consuetudinem resignando tali condicione interposita et adiecta quod ego universaliter et heredes mei prefati si predictos agros colere volumus et possumus ipsi hospitali aut procuratoribus eius singulis annis in die sancti Martini episcopi unam libram denar[iorum] Ratispon[ensium] solvere tenebimur sine mora et si solucionem dictorum denariorum post diem sancti Martini prenotatum distulerimus premissorumque agrorum culturam tenere nolumus vel nequimus aut si memoratis procuratoribus hospitalis ad ipsam agriculturam non competere videremur extunc a tali iure sive cadimus et cecidimus et ipsi procuratores prelibatos agros locare potunt cuicumque voluerint libere ac solute In cuius rei testimonium presentes eis dedi litteras meorum concivium Ingolstaten[sium] robore communitas Cuius rei testes sunt Leutwinus iudex predictus Chunr[adus] Pfefflinus Waltherus tunc rector puerorum universaliter prepositus in Pirchenwanthe Otto Ouenhauserius Berhtoldus dictus Pinguis Rudolfus Reblius Chunr[adus] Cherglinus et plures alii fidedigni Actum et datum millesimo ducentesimo nonagesimo quarto III non junii