Charter Document - 04100136
| Charter Number: | 04100136 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1294 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Universis Christi fidelibus presentem paginam inspecturis frater Rudolfus prior totumque collegium fratrum hermitarum ordinis sancti Augustini in Semanshavsen oraciones in domino cum salute Notificacione presencium patere volumus universis quod nos de communi consensu et voluntate tocius conventus curiam nostram sitam in Leutersdorf que nobis titulo proprietatis attinebat eodem titulo omnibus suis attinenciis cultis et in cultis quesitis et inquerendis hospitali sancte Katherine in pede pontis Ratispone pro XL libris Rat[isponensibus] vendidimus libere possidendam Obligamus insuper nos omni cavillacione remota et subterfugio circumscripto ad hoc voluntarie quod dicte curie auctores qui vulgariter Gwern dicuntur erimus si continget forsitan quod absit ab aliquibus inpeti emergente casu quolibet in futurum In cuius rei testimonium presentem kartam sigillorum videlicet fratris Eynbici prioris fratrum beati Augustini de cappella domini Ratispone necnon nostri ac tocius conventus in Semanshavsen munimine fecimus communiri Testibus qui prenotate vendicionis tractatui interfuerunt nichilominus annotatis Testes sunt frater Hermannus frater Ditricus frater Vlricus frater Libhardus de Semanshausen fratres hospitalis domius H Romanus H iunior capellanus frater Ch[unradus] de Herting frater Ch[unradus] dee Nurnberch frater Siboto frater Bernherus cives civitatis karulus de Aw Hainricus Dens Otto lanator et alii quam plures fide digni Acta sunt hec anno domini MCC nonagesimo IIII VIII idus maii