Charter Document - 04100128
| Charter Number: | 04100128 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Pruno dictus de Prennberch una cum filio meo Reimaro presentibus protestamur quod Erlingerius curiam sitam in Helschenbach Hartmanno in Abach vendidit pro LXVI libris et omne ius suum in predicta curia una cum uxore sua et fratre suo ac sororibus suis excepta filia sua quam Hiltpranndus Prentlinus duxit legitime resignavit et per manum salmanni sibi Hartmano in Abach laudabiliter confirmavit insuper caucione fideiussoria compromisit ut filia ipsius Erlingerii aut heredes sui nichil iuris sibi presumerent usurpare sed arra uxori predicti Erlingerii compromissa non fuit persoluta unde contigit ut postmodum fratres hospitalis sancte Katherine Ratisp[onens]e curiam emerent supradictam et de iure filie non resignato ac arra uxoris ipsius Erlingarii nondum persoluta eisdem fratribus contenciones plurime nascerentur unde ex novo in nostra presentia Erlingerius et uxor sua Gerwirch et filius suus Otto ac filie ipsius Margareta Elizabeta Osanna Liucardis Petirs gener suus Hiltprandus Prentlinus Ditricus de Salnhaupt una cum filio suo Ditrico pariter resignarunt et has contenciones inter fratres hospitalis et Hiltprandum Prentlinum et heredes Erlingerii pro curia in Helschenbach sita amicabili discussimus penitus seu finivimus composicione Quare predictis fratribus coram reverendo domino H Ratisponense episcopo sine capcione qualibet laudabiliter compromisimus ac discrete nos predicte curie contra quoslibet nobis subiectos eorum velle fore benivolencius defensores ne quisquam de cetero in hac curia ipsos audeat offendere vel gravare Ut hec rata et inconvulsa permaneant presentem paginam munimine sigilli nostri dedimus roboratam Testes sunt frater Chunradus magister hospitalis frater Ch[u]n[radus] Clauier Heinricus Schertzer iudex in foro Chunradus Rechzerius Heinricus Regeldorfferius Vlricus de Salnhaup Fridricus de Geisental Chun[radus] de Weiler Pilgrimus Chunradus Hagerius Heinricus Frais Heinricus Wolcho et alii quam plures Acta sunt anno domini MCC nonagesimo tercio proxima VI feria post dominicam Misericordia domini