Charter Document - 04100121
| Charter Number: | 04100121 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1292 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Heinricus dictus Pochzaueer commorans in Marchelchouen universis presentem I paginam inspecturis salutem in omnium salvatore Ordo cum pater meus pie memorie Fridricus dictus de Pochzauee hospitali sancte Katerine Rat[isponensis] ex curia mea sita in Marchelchouen quinque solidos denariorum Rat[isponensium] annualiter testatus fuerit tali forma perpetue soluturos ut provisores prenotati hospitalis omni die dominica tres denarios pro pomis de hiis redditibus infirmis pro consolacione et sibi in remedium precipue in perpetuum condonarent eorundem vero reddituum provida deliberacione omni parentum meorum predictam curiam meam hospitali pro certitudine obligo existere annis singulis sub caucione perpetua debitorem in cuiuscumque manu vel potestate sepefata curia fuerit ab eodem libere postulando In cuius rei testimonium presentem cedulam sigilli mei robore feci diligencius conmuniri ne ab heredum meorum aliquo destitui poterint hec et cassari Testes huius sunt hii Zacharias frater meus Perger[us] de Frantenhausen frater Berenher[us] et fratres alii hospitalis Dat anno domini MCC nonagesimo secundo ante pasca