Charter Document - 04100120
| Charter Number: | 04100120 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1292 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Nos Alheidis dei gratia abbatissa in Gysenuelt notum facimus universis presentem litteram inspecturis quod ad peticionem reverendi in Christo patris nostri domini Heinrici venerabili episcopi Rat[isponensis] cui semper obedire volumus ut tenemur cum pleno consensu et voluntate dominarum conventus nostri aream sitam Ratispone in strata que vulgo dicitur Engelpoltinne strazze ecclesie nostre attinentem fratri Rvdigero de Alerspurch fratri Chunrado de Renner fratri Chunrado de Nappurch et fratri Perihtoldo de Pferin devotis et professis domus hospitalis sancte Katerine Ratispone possidendam contulimus quamdiu vixerint et tenendam hoc specialiter incluso quod in prima vespera vel in die festi beati Emmerammi pro censu viginti unum denarios Rat[isponensis] monete ipsi fratres de eadem area annis singulis nobis solvant quibus etiam fratribus ex hac vita evocatis memorata area ad nos et ecclesiam nostram sine inpedimento quolibet revertetur pro nostris et ipsius ecclesie nostre utilitatibus prout voluerimus ordinanda In cuius rei testimonium presentem litteram scribi et nostri ac dicti conventus nostri sigillorum munimine fecimus communiri Huius facti testes sunt Hainricus plebanus de Lautterbach frater Chun[radus] de Hertingen Hain[ricus] vicedominus civis de Gysenuelt Sifridus civis de Gisenuelt Volr[icus] granator Datum apud Gisenuelt anno domini millesimo CC nonagesimo secundo IIII kalendis aprilis