Charter Document - 04100117
| Charter Number: | 04100117 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1291 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Nos Heinricus dei gracia Ratispon[ensis] episcopus universis presentes litteras inspecturis volumus esse notum quod cum dilecti fideles nostri Sighardus et Eglolfus fratres dicti de Eglolfsheim pro remedio animarum suarum quartam parcem decimarum de quinquaginta vineis in Chneuting sitis quas quidem decimas iidem a nobis et ecclesia nostra possederunt titulo feodali hospitali sancte Katerine Ratispone magistro et fratribus ac pauperibus ibidem voluntarie tradidissent Ac eciam predicti magister et fratres a dilecto fideli nostro Heinrico de O[re]w duo prata in Geysling sita unum videlicet iuxta pontem ibidem et aliud in augea dictum Uelssinn pro viginti tribus libris denariorum Ratisponen[sium] comparassent et nichilominus curiam Fuerholtz prope Tanhousen cum omnibus suis adtinenciis cultis et incultis quesitis et inquirendis emissent a Friderico Tanhausario pro viginti duabus libris et dimidia libra Ratispon[ensis] monete Que omnia predicti fideles nostri a nobis tenuerunt tytulo feodali Nos tam ex affectu quem ad promotionem eiusdem hospitalis semper habere volumus quam eciam pro complenda devocione dictorum fidelium nostrorum ipsas decimas prata supradicta et memoratam curiam Fuerholtz cum omnibus suis iuribus et pertinenciis donavimus tradidimus et assignavimus predicto hospitali accedente voluntate tocius nostri capituli et consensu et precedente voluntaria cessione ac libera resignacione predictorum bonorum facta per se et heredibus eorum iure proprietatis perpetuo possidenda Omne ius seu dominium quod nobis et ecclesie nostre competiit in eisdem seu competere videbatur in proprietatem dicti hospitalis et fratrum ibidem deo famulancium transferentes In quorum omnium testimonium et evidenciam pleniorem presentem litteram dedimus sigillorum nostri videlicet et capituli nostri robore communitam Datum Ratispone anno domnini MCC nonagesimo primo X kl januarii