Charter Document - 04100107
| Charter Number: | 04100107 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1289 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Ego Leupoldus dictus Ericius et uxor mea Elizabet civis Ratispone I universis ad quos presens scriptum pervenerit in perpetuum ut ea que geruntur in tempore a memoria non labantur cum tempore scriptis solent autenticis confirmari Noverint universi tam presentes quam futuri nostra voluntate bona et omnium nostrorum amicorum consensu accedente hospitali sancte Katerine in pede pontis Rat[ispon]e vendidisse curiam nostram seu mansum in Hertinge per manum delegatoris Paldwini de Paribing quod vulgariter dicitur salman cum omnibus adtinenciis cultis et incultis quesitis et inquesitis libere et pacifice in perpetuum possidendam Ut hec emcio duret et permaneat in posterum inconfulsa presentem kartulam munimine nostri sigilli et in robur necnon confirmacionem direximus hospitali communitum testibus subnotatis Testes sunt hii Karulus de Auue miles Fridericus Vesler Vl[ricus] Chziher frater Chv[nradus] magister hospitalis frater Chv[nradus] de Nurnberch et alii quam plures Acta sunt hec anno domini MCCLXXXIX