Charter Document - 04100106
| Charter Number: | 04100106 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinr[icus] dei gratia Rat[isponensis] episcopus universis presentes litteras inspecturis cupimus esse notum quod cum dilecti consanguinei nostri Vlricus et Heinricus fratres dapiferi de Ekkenmuel tenerent a nobis et nostra ecclesia curiam dictam Werdhof sub castro nostro Werd sitam titulo feodali quam quidem curiam sorores in Christo dilecte Margareta priorissa et conventus monasterii sancte Chrucis Ratispone sub pacto reemptionis pro sexaginta libris denariorum Ratispon[ensium] ab eisdem dapiferis antea possidebant iidem dapferi facta ad manus nostras libera resignatione de curia iam predicta Eandem magistro et fratribus hospitalis sancte Katerine in pede pontis Ratispo[n]e vendiderunt pro nonaginta libris Ratispon[ensibus] tali forma quod dicti dapiferi vel heredes eorum ipsam curiam reemendi pro eisdem nonaginta libris Rat[isponensibus] usualis monete habebunt quocumque tempore anni placuerit liberam facultatem et ut forcius eadem empcio et vendicio in firmitatis robore perseverent Conservatores hospitalis predicti Fridericum Veslarium et Vlricum Cecharium cives Rat[isponenses] de eadem curia infeodavimus qui tamen de ipsa ratione talis infeodationis potestatem non habebunt aliquam ordinandi nisi quod prenotato hospitali sciverint utiliter pro futurum Si autem ex morte dictorum dapifer orum vel heredum ipsorum quam deus differat ante re emptionem nobis vacabit curia sepedicta nos Rat[isponensis] episcopus aut noster successor solvemus hospitali predicto pecuniam supradictam qua solutam curia sepedicta aput nostram Rat[isponensem] ecclesiam in possessione libera perpetuo remanebit In cuius rei testimonium presentem litteram confecimus sigillorum nostri videlicet et illustris domini Heinr[ici] ducis Baw[ari]e ac predictorum dapifer orum robore communitam Testes sunt Dominus Chunr[radus] de Luppurch decanus ecclesie nostre Habordus de Sveniching Ekpertus Drauchpech Paldwinus de Perbing Leupoldus Iglo Karolus de O[er]w magister civium Chvnr[adus] de Wisent Gotfridus Scheffel et quam plures alii fide digni Datum Ratispone anno domini MCC octogesimo nono in octava Johannis Baptiste