Charter Document - 04100095

Universis Christi fidelibus presentes litteras inspecturis Michael miseratione divina Antybarensis archiepiscopus frater Romanus Crohensis Leo Chalamonen[sis] Thomas Acerrarum Waldebrun[us] Auellonen[sis] et Glauinicen[sis] frater Egidius Turtyburen[sis] Perronus Larinen[sis] Gregorius Arben[sis] Accursius Pesauren[sis] et Maurus Amelien[sis] episcopi salutem in Domino sempiternam Licet omnibus indigentibus aperire teneamur viscera caritatis Illis tamen specialius quodammodo liberalitatis debemus gratiam exhiberea qui cum sint pauperes et languidi sibi ipsis nequeunt subvenire Cum igitur dilecti in Christo filii [] provisores hospitalis ecclesie Ratispon[ensis] annexi ad hoc totis viribus elaborent ut undique confluentium egenorum pariter et egrotorum suffragari necessitatibus se exponant et non solum ipsos ad hospicia colligant verum etiam ad pristine sospitatis recreationem vel ad universe carnis migrationem trahentes omnia necessaria laudabiliter amministrent Cum itaque ad hoc sibi proprie non suppetant facultates universitatem vestram rogamus quatinus ad idem hospitale grata caritatis subsidia et pias elemosinas erogetis ut per hec et alia bona que domino inspirante feceritis ad eterne felicitatis gaudia pervenire valeatis Nos enim de omnipotentis dei misericordia et beatorum Petri et Pauli apostolorum patrocinio confisi omnibus vere penitentibus et confessis qui ad sustentationem pauperum aut alia predicti hospitalis necessaria manus adiutrices porrexerint vel in die dedicationis prefati hospitalis sive in festo beate Katerine virginis ad memoratum hospitale causa devotionis accesserint singuli singulas quadragenas de iniuncta sibi penitentia dummodo loci diocesani voluntas accesserit misericorditer in domino relaxamus In cuius rei testimonium sigilla nostra presentibus duximus apponenda Dat Rom anno domini millesimo ducentesimo octuagesimo VII XII kal aprilis pontificatus domini Honorii pape quarti anno secundo indictione XV