Charter Document - 04100090
| Charter Number: | 04100090 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1285 |
| Date type: | Internal, A.D., Feast |
| Resource Link(s): |
Monasterium.net |
Charter:
Cum nos Heinricus dei gratia episcopus ecclesie Rat[isponensis] merito debeamus tam ex officio pie religionis quam ex mansuetudine naturali operibus congaudere que viderimus speciem pretendere karitatis Notum facimus omnibus ad quos presens pervenerit instrumentum quod Chunradus frater hospitalis civitatis nostre quondam collector elemosinarum ad idem pertinencium hospitale cum videret cottidie euiusdem pauperes hospitalis gravibus et intolerabilibus defectibus aggravari Idem Chunradus divine inspiracionis lumine illustratus cogitavit crebro animo compassivo quomodo plantaret arborem misericordie de cuius fructibus memorati pauperes Christi perciperent consolatorie dulcedinis nutrimentum demum idem Chunradus extendens manus suas ad opera pietatis venerabilis domini Leonis quomodo episcopi prodecessoris nostri et fratrum predicti hospitalis accedente concorditer voluntate pro quadam summa pecunie de pauperum elemosinis ab ipso Chunrado per studiosam industriam reservate quatuor curias Lachling Weier Hagenpoch Abach cum omnibus suis obvencionibus a dicto hospitali misericorditer comparavit verumtamen sub hac forma ut annis singulis perpetuo in omnem eventum singule obvencionnes dictarum curiarum debeant plenarie in usus dictorum cedere infirmorum ita ut de dritico siligine ac denariis nominatarum curiarum prefatis infirmis super stratum ipsorum linteamina quantum ipse facultates sufficere potuerit et cum necessitas exegerit comparentur de ordeo autem et avena quantum similiter ipse facultates suppetent eisdem pauperibus cervisia ministretur hoc tamen excepto si dictum hospitale curiam Abach suis propriis coluerit instrumentis obvenciones eiusdem curie a presentis consolacionis gratia sint excepte Si autem prefata curia locata fuerit agricolis alienis cunc de suis proventibus sicut de aliis est iuxta formam pretraditam faciendum Scilicet quem mandatum derisorium indicatur quod contumacis proterviam non coercet ad instanciam predictorum fratrum volumus et in virtute sancte obediencie precipimus et mandamus quatenus quicumque provisor hospitalis sepe dicti consolacionem pauperum perhabitam non observaverit illibatam ex ipso facto ab introitu ecclesie quousque penitus resiliat sit exclusus In cuius tractatus evidenciam cerciorem presens fecimus instrumentum sigilli nostri et sigilli nominati hospitalis testimonio confirmari anno domini MCCLXXX quinto Datum in die sancte Andree apostoli