Charter Document - 04100083

Wichardus dei gratia ecclesie Patauien[sis] episcopus universis Christi fidelibus et devotis salutem in eo qui est omnium vera salus Quoniam ut ait apostolus omnes stabimus ante tribunal Christi recepturi prout in corpore gessimus sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris quod reddente domino cum multiplicato fructu recolligere debeamus in celis firmam spem fiduciamque tenentes quod qui parce seminat parce et metet et qui seminat in benedictionibus de benedictionibus et metet vitam eternam Sane cum hospitale sancte Katherine virginis et martiris situm in pede pontis Ratispone pascat foveat et conservet pauperum languencium et egenorum multitudinem copiosam et tantam ut ad eorum sustentationem et adinpendenda caritativa ipsis beneficia consueta dicti hospitalis nullatenus sufficiant facultates et ob hoc quorumlibet devotorum Christi piis et benivolis indigeant adiuvari subsidiis atque donis Nos cupientes nostris donis spiritualibus et salutaribus premiis indulgenciarum et remissionum peccaminum fideles et devotos quoslibet ad grata subsidia et largas elemosinas inpendendas dicti hospitalis pauperibus securius incitare et ad optinenda nichilominus per largitionem elemosinarum huiusmodi premia sempiterna omnibus qui huic hospitali pro dei reverentia et suorum expiacione peccatorum languentibus et egenis illic decumbentibus conpaciendo insceribus pietatis suas elemosinas curaverint elargiri quadraginta dies de iniuncta sibi penitentia dum modo contriti fuerint et confessi auctoritate nostra si dyocesani loci consensus accesserit misericorditer in domino relaxamus Datum Ratispone anno domini MCCLXXX primo VI yd junii