Charter Document - 04100080
| Charter Number: | 04100080 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1279 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Heinricus dei gratia Ratisponen[sis] episcopus universis presentes litteras inspecturis volumus esse notum quod nos insulam nostram sitam infra molendinum leprosorum in Danubio Ratispone contulimus nomine et iure precario Chvnrado filio Gvmperti Walthero Muschopfo et Ortlibo filio Setzarii civibus Ratisponen[sibus] cum omni utilitate possidendam ad tempora vite sue receptis ob hoc quindecim libris denariorum Ratisponen[sium] ab eisdem Ita quod mortuis eisdem tribus personis sine qualibet contradictione ipsa insula ad nos et nostram ecclesiam libere revertatur In cuius rei testimonium presentes litteras conscribi fecimus et sigillorum nostri videlicet et capituli nostri robore conmuniri Dat Rat[ispone] anno domini millesimo ducentesimo septuagesimo nono kalend junii