Charter Document - 04100067
| Charter Number: | 04100067 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1272 |
| Date type: | Internal, A.D. |
| Resource Link(s): |
Monasterium.net |
Charter:
Nos Rupertus iudex de Haidaw et Fridericus civis Ratispone dictus Inponte iudeorum a partibus infra scriptis arbitri constituti universis constare cupimus per presentes quod cum inter fratrem Heinricum magistrum hospitalis de Retelchouen dictum et fratres hospitalis sancte Katerine in pede pontis Ratispone ex una et Hawardum dictum de Sunching super iure advocacie curie in Hawsing ad magistrum et fratres ipsos pertinentis ex parte altera questio verteretur in nos tamquam in arbitros compromiserunt consensu unanimi partes ipse quo arbitrio nobis assumpto arbitrati fuimus in hunc modum quod magister et fratres predicti dent quinque libras Ratisponensium prefato Hawardo et dampna eis occasione huius questionis per ipsum Hawardum illata remittant integraliter et sincere Idem vero Hawardus super iure advocacie dicte curie pro se et suis heredibus omni que sibi adversus magistrum et fratres prefatos conspeciit annunciet actioni In cuius testimonium sigillis mei Ruperti iudicis de Haidawe quo ego Fridericus cum proprium non habeam sum usus et prefati Hawardi presentes placuit conmuniri Huius rei testes sunt Paldwinus de Parbing Zacharias de Hag Rudgerus de Roking Eberhardus granator Marchquardus de Haidawe frater Heinricus de Retelchouen frater Ortlibus Heinricus dyaconus Acta sunt hec anno domini MCC septuagesimo secundo sexto idus decembris