Charter Document - 04100066
| Charter Number: | 04100066 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1272 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Otto dictus de Lapide universis constare cupimus per presentes quod cum Purchardus dictus de Hagenhul servus noster nobis condicione persone sue attinens in extremis constitutus cum liberos non haberet de salute sue anime ordinaret ipse Purchardus duas curias in Meiling et in Reut sitas quas possedit pacifice et quiete de nostra voluntate et consensu pauperibus hospitalis sancte Katerine in pede pontis Ratispone plebano in Hagenhul et nobis et multis aliis presentibus legavit sub hac forma ut uxor sua Leudgardis pro tempore vite sue quamdiu sine marito esset retineret in eisdem curiis usu fructum et pauperibus dicti hospitalis de eisdem curiis in signum dominii et proprietatis singulis annis solveret unam scapfam silliginis et procurator pauperum predicti hospitalis in dictis curiis instituendi et destituendi haberet liberam facultatem Si vero uxor sua alicui viro nuberet ex tunc ab omni iure sibi in eisdem curiis conpetenti caderet ipso facto usu fructu ad predicti hospitalis pauperes devolvendo In cuius rei testimonium presentes sigillo nostro eiusdem hospitalis pauperibus dedimus communitas Huius rei testes sunt Vlricus sacerdos de Vochburch Ymmo Setzel Fridericus filius suus Heinricus de Pfern Eberhardus frater suus Waltherus frater suus Chunradus de Hagenhul Hainricus de Hagenhul Reinpoto frater suus Otto de Tolli[n]g Meingotus de Tolling frater Heinricus magister hospitalis frater Heinricus faber Heinricus dyaconus Actum anno domini MCC septuagesimo secundo XVIII kal decembris