Charter Document - 04100064
| Charter Number: | 04100064 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1270 |
| Date type: | Internal, A.D. |
| Resource Link(s): |
Monasterium.net |
Charter:
Nos Leo miseracione divina Ratispon[ensis] episcopus universis presencia inspecturis volumus esse notum quod Chvnradus sacerdos quondam plebanus de Nittenowe non spe lucri vel comodi que se sperabat habiturum sed pocius ob remedium sue anime a magistro et fratribus hospitalis sancte Katherine in pede pontis Ratispone de voluntate nostra et assensu necnon procuratorum eiusdem hospitalis videlicet Altmanni prepositi Alhardi decani et magistri Vlrici de Hachelstat custodis Ratispon[ensis] canonicorum Heinrici de Owe militis Liupoldi Ericii Friderici Veslarii et Alhardi in ampla strata redditus duarum librarum denariorum Rat[isponensium] solvendarum annis singulis in festo beati Galli pro quinquagintaquinque libra denariorum Rat[isponensium] comparavint Cui deliberacione provida prehabita de cellario sito in foro quod tenent libri Perchovarii et de area [] dicti Chvnter sita inter institas Ratispon[enses] magister et fratres hospitalis dictarum duarum librarum redditus deputarunt ita que eidem Chvnradus sacerdoti vel cui ipsos redditus ordinaverit annuatim persolvantur casu quolibet contingente Si vero ipsi Chvnrado sacerdoti dicte due libra denariorum Ratispon[ensium] vel cui easdem solvendas ordinaverit in festo beati Galli vel salutem infra duos menses currentes continue post idem festum quinque non fuerint persolute premissas quinquagintaquinque libra d[enarior]um Rat[isponensium] predicto Chvnrado vel ei qui sibi in dicto iure successerit restituere tenebuntur magister et fratres hospitalis superius nominati In cuius rei testimonium presentes litteras sigillorum nostri videlicet capituli Ratispon[ensis] et universitatis civium Rat[isponensium] necnon hospitalis sepefati munimine placuit roborari Datum in Alderspach anno domini MCC septuagesimo V idus octobris