Charter Document - 04100060
| Charter Number: | 04100060 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1263 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Leo miseratione divina Ratisponensis ecclesie episcopus omnibus presentem paginam inspecturis volumus esse notum quod cum nos causa devotionis stupam et locum infirmorum hospitalis beate Katherine in pede pontis Ratispone fuissemus ingressi tantas egrotantium ibidem decubantium infirmitates invenimus et erumpnas ita ut compassionis animum in nobis medullitus provocarent Nos itaque dictorum infirmorum miserie zelo compassionis condescendere cupientes non solum omnibus qui suas elemosinas eis largiti fuerint verum et omnibus qui dictam stupam et locum causa devotionis et compassionis transire curaverint XX dies criminalium et XL dies venialium de iniuncta sibi penitencia misericorditer relaxamus dummodo corde contriti fuerint et confessi In cuius rei testimonium presentes litteras eis tradidimus sigilli nostri robore communitas Datum Ratispone anno domini MCCLXIII VI non marcii