Charter Document - 04100048
| Charter Number: | 04100048 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1257 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos iudices Eistetensis tenore presentium notum esse cupimus vniuersis Christi fidelibus quod cum Heinricus de Wolfspvch non potuisset infra terminum sibi prefixum prout continet alia littera super eo confecta procurare ut sui coheredes renunciarent omni iure quod uiderentur habere in predio Rumoldeshusen sito super quo inter ipsum et fratres hospitalis sancte Katerine Ratisponensis questio uertitur Nos ad suam instantem peticionem eundem terminum prorogauimus de consensu fratrum usque ad proximam dominicam qua cantabitur Inuocauit ut medio tempore fideliter laboret quod sui coheredes eiusdem predii renuncient omni iure quod habent uel uidentur habere in predio supradicto aut sequenti die videlicet proxima secunda feria post predictam dominicam coram nobis compareat premissis fratribus uel ipsorum nuncio quem ad hoc transmiserint super prefato predio finaliter responsurus Quod si neutrum premissorum fecerit promisit fide data in nostras manus vice sacramenti quod ammodo prenotatos fratres in eodem predio non infestet ac etiam quod ab omni iure suo quod nunc in eodem habet predio ceciderit si opere infra prescriptum tempus non adimplebit quod uerbo coram nobis in iudicem et subscriptis testibus libenti animo super se statuit Testes dominus Vol[ricus] de Nideling arch[]s C[onradus] de Mver et H[einricus] de Erlungeshouen canonici Eistetenses Datum et actum anno domini millesimo CCL septimo kalendas octobris