Charter Document - 04100035
| Charter Number: | 04100035 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1254 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notum sit vniuersis Christi fidelibus me fratrem Heinricum magistrum hospitalis sancte Katerine in pede pontis Ratispone cum denariis domini Alberti de Stvobinge et coniugis sue domine Salmee pro remedio animarum suarum uineam unam in Pheffenstein emisse ad dominum Karolum de Toemlinge et uxorem ipsius meque ipsam uineam uel successores meos instituere et destituere debere quod est stiften vnd enstiftn dictasque personas ipsam excolentibus quoad uixerint usum eiusdem uinee animo intus recipere debere et annuatim de eodem uino urnam dari pauperibus solummodo unam in die beati Nicolay et pro salute dictarum personarum et remedio animarum ipsarum annuatim etiam eodem die missam celebrari et memoriam haberi et decedentibus antedictis personis pretactatem uineam perpetuo dicto hospitali et pauperibus eiusdem absolute sine qualibet alicuius reclamatione deseruire debere et antedictam urnam pro indictio donationis dicte uinee dicto hospitali dari annuatim ne obliuioni detur uel aliquo modo ualeat infringi et ne talis tractatus ab aliquo in posterum retractari ualeat uel infringi presentem cartulam sigillo hospitalis et ipsius domini Alberti sigillo placuit roborari Huius rei testes sunt domini canonici maioris ecclesie Ratispone dominus Heinricus de Lerchnuelde summus prepositus Heinricus Semannus decanus Vlricus de Dornberch prepositus sancti Iohannis Laici uero Fridericus lancrauius de Liuckenberge Gebhardus frater suus Otto Pragarius Liupoldus frater suus Karolus Pragarius scultetus Liupoldus Iricius frater suus Ortliebus in Foro Fridericus filius Vtonis Perwinus et alii quam plures Datum anno domini MCCLIIII VI kalendas februarii XII indictionis