Charter Document - 04100034

In nomine domini amen Vniuersitas ciuium Ratisponensium omnibus in perpetuum Res gesta labili hominum labitur sepius memoria cum nec scripture nec testium testimonio perhenniter fulcita esse uidetur Notum esse cupimus vniuersis presencia perspecturis dominam conciuem nostram matrem conciuis nostri Vlrici Reckelini quandam aream suam in Prvefninge et hortum ibidem annuatim in festo beati Emmerammy LXX denarios pro censu et duos anserseres cum quatuor pullis exsoluentes hospitali sancte Kateryne in pede pontis Ratispone pro remedio anime sue et mariti sui puerorumque ipsorum libere et absolute contradidisse et postea eandem donationem dictum filium suum Vlricum reclamasse ac tamen ad ultimum coram domino Heinrico Semanno aliisque quibusdam concanonicis suis et quibusdam conciuibus nostris litem utriusque partis sic finalius decisam fuisse in iudicio chori ita ut dictus Vlricus Reckel presencia puerorum suorum et bona uoluntate dicta area et horto a magistro hospitalis tamen ad personam suam susceptis annuatim de ipsis ipsi hospitali in vigilia uel in die sancti Emmerammy V denarios esset daturus et post obitum suum absolute aream et domum dicto hospitaly sine qualibet occasione uel alicuius reclamatione deseruire debere Et ne tractatus ab aliquo in posterum retractari ualeat uel infringi presentem cartulam sigillo nostre vniuersitatis ad petitionem utriusque partis cum subnotatione testium qui interfuerunt fecimus communiri Huius rei testes sunt magister Goetfridus canonicus maioris ecclesie Wernherus Hivzzo Perwinus Hermannus Schivho Fridericus Pollter Fridericus Nitnowarius Otto Pollter Chunradus filius Gvmprehti monetarii Chunradus seruus Perwini Albertus seruus Rupprehti magistri hospitalis et alii quam plures Datum anno domini MCCLIII VI kalendas iulii XI indictionis