Charter Document - 04100028
| Charter Number: | 04100028 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1251 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Ego Heinricus de Randeke omnibus in perpetuum Quia gesta hominum in obliuionem cum tempore labi solent cogitaui per scriptum presens commendare memorie presentium et noticie futurorum quod allodium meum ex me libere conditionis iuro liberum ab omni aduocatia et debito seruitutis quod alicui preter me deberet omne in quam predium quod habebam in uillis Geggelbach et Pvohpach in agris et siluis pratis et pascuis piscariis et uenationibus et aliis attinentiis quibuscumque quesitis et inquirendis preter unam piscariam et unam mediamnem per manum legatoris nobilis uiri Ottonis de Abensperch uendidi domui et pauperibus hospitalis beate Catherine in pede pontis Ratispone pro CCXXX libris denariorum publice ac libere sine qualibet cuiusquam contradictione cum omni iure proprietatis quo ipsum ex progenitoribus meis hereditaueram presentibus quibusdam dominis canonicis maioris ecclesie Ratispone ac quibusdam non paucis eiusdem ciuibus ciuitatis In memoriam autem et robur eiusdem uenditionis presentem cartulam conscribi eique annotari pro testibus eorum nomina qui presentes fuerunt eamque sigillis memorati capituli atque ciuium Ratisponensium et meo placuit sigillari Testes autem sunt Heinricus de Lerchenvelt decanus Heinricus Seman archidiaconus Volricus de Dornberch prepositus sancti Johannis canonici maioris ecclesie Ratisponensis Laici vero Otto et Volricus fratres nobiles uiri de Abensperch Chvnradus de Tollingen Lovtwinus aput Capellam Heinricus prepositus inter Latinos Fredericus super Danobio Otto Prager et Karolus filius eius scultetus Karolus Grans Heinricus Zanner Gahmvret Heinricus Ower Goetefridus de Griezenbach Alhardus Dulcis Heinricus Gemelinger Livpoldus Prager Herwicus Pollex et Fridericus frater eius Chvonradus Nittenower Chvonradus Goltfvoz Fridericus filius Ovtonis Ortliebus in Foro Karolus frater Gahmvretti Gerhardus inter Rasores Fridericus Giel Heinricus de Suburbio Heinricus de Porta Goezwinus de Pherin Merboto cognomine Strvtio et alii quam plures Acta sunt hec anno incarnationis dominice MCCLI Datum Randeke VII idus septembris indictione octava