Charter Document - 04100023
| Charter Number: | 04100023 |
|---|---|
| Cartulary Title: | Regensburg, Archiv des Katharinenspitals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, A.D., Calendar |
| Resource Link(s): |
Monasterium.net |
Charter:
In Nomine Domini Amen Sophya dei gratia abbatissa ecclesie sancte Marie in Giesenvelde una cum conventu suo omnibus presentium inspectoribus salutem in vero salutari Que geruntur in tempore ne labantur processu temporis solent testium et scripture memoria perhennari Notum esse cupimus universis presentia perspecturis nos una cum unanimi nostri conventus consensu quandam aream ecclesie nostre Ratispone penes Friderici Stichhel civis Ratisponen[sis] domum sitam quondam cuiusdam civis Ratispon[ensis] cognomento Pertinch Rienhardi et uxoris sue Gisile eiusdem cognominis domum de super extructam quam et ad hospitale sancte Kateryne in pede pontis et ad domum sancti Nyckolay ad leprosos in occidente pro animarum suarum remedio donaverant concessisse predictis duabus domibus ad terminum vite quatuor personarum fratris videlicet Heinrici de Pvelnhofn fratri hospitalis sancte Kateryne et Pernhardo famulo eiusdem domus et magistro leprosorum Chvnrado et Heinrico filio ipsius magistri quiete et pacifici ac sine qualibet exactione quoad vixerint possidendam tali conditione ut de ipsa area ecclesie nostre annuatim in vigilia vel in die sancti Emmerammi XXXII denarios Ratisponen[ses] monete persolvant Et ne talis tractatus ab aliquo in posterum retractari valeat vel infringi presentem cartulam sigillo nostro et ad petitionem utriusque domus magistrorum de licencia nostra et civium Ratisponen[sium] sigillo cum subnotatione testium qui intererant fecimus conmuniri Huius rei testes sunt Heinricus plebanus de Errensgademe notarius ipsius domine abbatisse et prepositus ipsius domine Vlricus de Ergoltspach aput Laber Chnvettel camerarius ipsius domine Heinricus villicus de Santspach Vlricus de Anderboltstorf Fratres autem hospitalis magister Vlschalckus Chunr[adus] plebanus quondam in Illnchofn Geroldus Perhtoldus fratres frater Chunradus de Werde et frater Heinricus de Tiehspach Laici vero Karolus Granso Chunr[adus] Goltfuz Ezilinus notarius civium Eberhardus de Hachhelstat Otto Pragarius magister civium Livtwinus aput capellam Heinr[icus] frater ipsius Heinr[icus] Kamureth tunc scultetus Heinricus Zanner Rapoto prepositus inferioris monasterii Gerhardus hansgravius Alhardus Dulcis Heinricus Ower Chunr[adus] de Nytnowe Perwinus Goezwinus de Pherien Liebhardus in Ampla Platea Heinr[icus] Gemlinger Vlricus in Prunnleta Chunradus Hilprandus Perhtoldus Vesler Ortliebus in Foro Fridericus filius Votonis Gvmprehtus monetarius Heinr[icus] prepositus inter Latinos Altchindus Heinr[icus] in curia Suevorum et alii quam plures Acta sunt hec anno dominice incarnationis MCCXLVIII II non octob[ris] VI indictionis