Charter Document - 04100001

Wir un kunt alln getrewen christen menschen den kunftigen alz den gegenurtigen daz ein witbey genant I ver Geisel eines dieners dez lieben herren sand Willwoltz tochter genant her Vlr[eich] von Hutzhouen hat geschafft mit gewaltiger erbenter hant an aller menschen widersprechen an stat da haizt Plangst[eten] zwey weingarten ze Rengenspurch gelegen mit allem daz dorzu gehort einen zu dem Pfaffeltain der auf spitalweingarten stozt den ze gwalt hat einer hiez Lewtman genant der Listmair der ander weingarten ligt zu ent ze nydern Pfaffelstain denselbn weingarten het fraw Geisel in ir selbs gewalt etwenn gab si in vmb pfening etwenn durch irer sel willn vnd durch irrer voruodern sel willen Der weingartt der zu ent ze nydern Pfaffelstain ligt den hat enpfangen her Wilhalm sun von Emmendorf und derselb nam den weingarten von Lewtman an allez widersprehen von pet wegen der seligen witwey und irrer erben mit der beschaiden daz er nach seinen trewen und mit seinen rechten den weingarten behalten sol den closterlewten der vorgenanten stat ze Plangst[eten] Dez geschafftz sein zewgen vnd sind auch dorzu gevodert Vlreich von Achenchirchen Arnolt Anegil vnd Chunrat seiner swester svn Sighart von Eglofeheim Adelprecht der Grozz Egenprecht von der Judenprukk Arnolt von Batenh vnd Heinr[eich] sein svn Ortlieb an der Haid Gumpolt von Bennenkappel Heinr[eich] Giltzpir Wolfram Kews Heinr[eich] Weingeb [ginger von Fridenbeczhouen einer] genant Wirnher Albrecht vnd Berchtolt sein pruder derselben witwem erben Popp vnd [Zertenbolt] sein pruder Berchtolt Snurhunt den weingarten den ver Geisel selb in irrer gewalt het den enphie Berchtolt von Egweil der in auch zu der gelicher weiz in demselben rechten behielt der vorgeschriben stat Plangst[eten] vnd den closterlewten doselbent Dez sint zeugen all dy geschriben sint vnd etlich mer Daz ist geschehen do man zalt Christz gepurt tausent jar undert jar vnd unfvndvirczich jar do herschant ist gewesen kunichk Chunrad selichleichen kunftiger keyser Amen