Charter Document - 04090015
| Charter Number: | 04090015 |
|---|---|
| Cartulary Title: | Archiv Ceské koruny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1281 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Otto dei gratia Brandenburgensis marchio et illustris domni Wencezlai in regno Boemie tutor et capitaneus generalis notum fieri cupimus universis presentem paginam percepturis quod cum olim inclitus dominus Ottokarus rex Boemorum domum Sancte Corone ordinis Cysterciensis sub abbatia Plazcense locatam seu positam devotius fundaverit ipsamque bonis quibusdam videlicet Notaliz et Qualischingen cum omnibus suis attinentiis paschuis molendinis pratis piscationibus ac nemoribus preditaverit perpetuo tempore possidendis quemadmodum fratres eiusdem domus privilegiis predicti domini Ottakari poterunt evidentius demonstrare nos vestigiis ipsius tenaciter inherentes donationem predictorum bonorum gratam et licitam imo utpote necessariam recensentes ipsam presentis scripti nostri patrocinio confirmamus mandantes nichilominus universis et singulis baronibus ac nobilibus in regno Boemie constitutis quatinus fratres prehabitos in bonis superius nominatis non presumant aliqualiter inpedire quin fortius ipsos fratres bonorum eorumdem possessores legittimos faciant permanere ipsisque promotionem debitam conferentes In cuius rei testimonium presens scriptum fieri et sigillo nostro iussimus communiri Datum Prage anno domini millesimo ducentesimo octuagesimo primo in epyfania domini