Charter Document - 04090014

[I]n nonime sancte et individue trinitatis amen [N]os Otackarus dei gratia Boemie rex dux Austrie et Stirie ac marchio Moravie omnibus in perpetuum [C]um ob reverentiam omnipotentis dei in cuius manu vita principum est dependens qui etiam bonorum omnium dulcissimus est largitor et retributor habundantissimus meritorum religiosos quoslibet deo iugiter famulantes non solum velimus elemosinarum propriis largitionibus promovere immo in hiis que ipsis aliunde a nostris fidelibus subsidiis poterunt provenire nostra regia magnificentia confovere divine laudis cultum augeri cupientes temporibus vite nostre multiplicibus incrementis Scire volumus tam presentes quam futuros presentium necessaria habituros quod consideratis obsequiis et fidelitatis constantia quibus dilectus et fidelis noster Hyrzo purchravius de Chlyngenberch patri nostro pie memorie adhuc viventi et nobis ipsi postmodum in regno succedentibus adhesit fideliter et servivit de consilio fidelium nostrorum suis precibus annuentes donationem sive collationem talium bonorum videlicet Nakhlenwe Hore Vgerc Vmladone Naochruhle Vyanka Nabelem Chlume Vdirka Vmita [bei der Mauth unser heutiges Mauthstadt] Nemochrich Vhlimi Natschernerece Nablizmerch et Nahirzowe villarum que ipsi Hyrz pater noster iure proprietario ratione suorum dederat meritorum factam in remedium animarum progenitorum nostrorum nostre ac coniugis nostre karissime ac ipsius Hyrsonis et uxoris sue claustro nostro in honore sancte spinee corone doraini nostri Jesu Christi a nobis constructo pariter et fundato ratam habere volumus atque firmam nostram ad hoc voluntatem prestantes finaliter et consensum Huiusmodi vero bonorum collatio ab ipso Hyrzone talibus distinctionibus est subiuncta videlicet quod ipse et uxor uxor sua eadem bona quamdiu vixerint libere possidebunt et post utriusque obitum ipsa bona in possessionem dicti coenobii devolventur finaliter pacificam et quietam Si vero Hyrso predictus prior decesserit et domina relicta sua cum alio viro forte matrimonium duxerit contrahendum tunc ipsa prefata bona manebunt integraliter coenobio supradicto et ipse abbas quicunque fuerit dicte domine pro eisdem bonis centum marcas argenti libere assignabit nullum ratione dictorum bonorum habens respectum de cetero ad eandem Sin autem non contraxerit et elegerit vidua permanere tunc usque ad finem vite sue bona prehabita possidebit omnem quam potest operam et auxilium ipsi coenobio impensura Si vero dicta domina huius mundi statum lubricum et infirmum decreverit inmutare in religione eligens aliquam ut deo serviat commanere tunc ipsa iam prefata bona sepedicto claustro cedent absolute et libere pleno iure Si vero ipsa domina prior mortua fuerit et dominus Hyrzo superstes aliam dominam ducere voluerit in uxorem ipse Hyrzo ratione talis contractus de prefatis bonis ut dotalitium aliquod statuat ad uxorem ordinandi nullam habebit penitus facultatem iuxta priorem suam ordinationem usque post decursum vite sue in bonis remanens supradictis Prenominatus autem Hyrzo et domina uxor sua Darirza quamdiu simul vixerint vel alter eorum superstes fuerit debent unum esocem vel pecuniam equipollentem ad dictum coenobium dare singulis annis in memoriam premissorum Et ut hec iam prehabita robore firmitatis perpetue solidentur ipsi monasterio sancte spinee corone domini tytulo denominato presens porrigimus instrumentum nostrorum sigillorum munimine roboratum statuentes firmiter et precise singula supradicta a nostris heredibus quicunque nobis in regno nostro successerint ipsi iam supradicto monasterio inviolabiter observari sicut iuditium omnipotentis dei et iram evitare voluerint nec non salutem propriam conservare dierum suorum longitudinem congaudendo Testes vero qui hiis omnibus interfuerunt hii sunt Andreas camerarius Boemie Vlricus purgravius Pragensis Zmilo de Lyhtenberch Purchardus marsalcus Bawarus de Zrachon[ich] Checho de Budiwogevich Gothfridus prepositus Tynensis Wesoborius et Hradis filii Egidii Hyncho filius Schechonis Vnscho subpincerna Potho filius Prothiwe Mrachota de Csartobor Jacobus de Kuneho et alii quamplures Actum et datum in Pezka anno MCCLXVIII VI Kalendas Aprilis