Charter Document - 04090001
| Charter Number: | 04090001 |
|---|---|
| Cartulary Title: | Archiv Ceské koruny |
| Charter Language: | Latin |
| Charter Origin: | Royal |
| Charter Type(s): | Assignment, Grant |
| Date: | 1264 |
| Date type: | Internal, A.D. |
| Resource Link(s): |
Monasterium.net |
Charter:
Ottakarus dei gratia rex Boemie dux Austrie marchioque Moravie [] Notum facimus tenore presentium universis quod cum nobilis Woko de Rosenberch summus marscalcus regni Boemie et capitaneus Carinthie et Stirie fidelis noster specialis dilectus monasterium Sancte Corone fundationem nostram in honore beate virginis Marie sumptibus nostris et etiam impensis suis in bona parte construxit et dotavit sicut sumus de hoc sufficientius informati et ut idem ex sua dotatione comodum et fructum possit debitum reportare nos animo deliberato sano fidelium nostrorum accedente consilio et ex certa nostra scientia prefato Wokoni de Rosemberch predicta bona in parte dotatne dedimus tribuimus virtute presentium auctoritate regia Boemie donamus per ipsum heredes et successores suos legitimos [tuenda] et [defendenda] sine impedimento quolibet hereditarie [possidenda] ita quod nos seu successores nostri nulli homini predicta bona videlicet monasterium Sancte Corone ordinis Cisterciensis valeamus seu possimus comittere seu aliquas proscriptiones super ysdem facere quomodo libet Etiam pro maiori diligentia tuitionis illius monasterii ex nostra [liberalitate] regia damus et conferimus sibi et heredibus suis ut [possint] venari illius supradicti monasterii bonis quocunque modo ipse et successores sui et preter eos nullus alius sine impedimento quolibet Ad huius autem confirmationis et concessionis nostre memoriam et robur [perpetuo] valiturum In cuius rei testimonium presentes litteras fieri et [sigilli nostri maioris] iussimus munimine communiri Datum Prage VI post Martini anno domini millesimo CCLXIIII