Charter Document - 04060439

Universis ac singulis Christi fidelibus ad quos presentes littere pervenerint Gerungus nobilis de Kempten miles subscriptorum noticiam cum salute Noverint quos nosce fuerit oportunum quod cum inter me ex una et reverendos in Christo dominos [] abbatem et conventum monasterii in Rvti ordinis Premonstratensis Constantiensis dyocesis ex parte altera dissensio seu contraversia mota esset super mansibus inferiori videlicet et superiori in villa Kempten et prato dicto Tauel annexis curie vilicane ibidem quos mansus seu possessiones predicti domini dicebant ad eos pertinere ratione emptionis facte in parte et donationis facte etiam in parte per fratrem meum carnalem fratrem R canonicum ibidem et easdem rite et rationabiliter per [] dominum abbatem et conventum sancti Galli concessas et ad se fore translatas et ego contrarium dicerem videlicet easdem possessiones ad me pertinere et mihi cessisse paterna hereditate et rite et rationabiliter per predictum [] dominum abbatem sancti Galli ad eos non esse translatas et ob hoc licet contra ius eos a corporali possessione eiecissem et super eadem iniuria aliquamdiu inter nos tam in figura iudicii quam extra esset litigatum tandem usus et induetus consilio honorabilium virorum et propria conscientia convictus recognoscens me per modum spolii ipsos gravasse permaxime autem iudiciali et diffinitiva sentencia contra me lata per magistrum C Phefferhart iudicem deputatum a venerabili patre ac domino H dei gratia Constantiensi episcopo in hac causa compulsus et evictus ipsos reverendos dominos [] abbatem et conventum prefati loci cedendo liti in pristinam corporalem possessionem reposui et presentibus repono ita quod easdem possessiones habeant cum omni iure ipsas attingente et possideant perpetuo quiete et pacifice iure hereditario secundum collationem et confirmationem ipsis per predictum dominum [] abbatem sancti Galli super eisdem possessionibus factam et publico instrumenta desuper ipsis dato confitens quidem publice in presentibus et recognoscens predictas possessiones rationabiliter a monasterio sancti Galli in ipsos esse translatas nec mei nec meorum successorum iuris esse nec ad me aliquo titulo pertinere precludens per hoc omnibus meis successoribus viam repetendi eas vel possidendi vel coram quocumque iudice questionem evictionis movendi vel materiam alicuius occasionis pretendendi Si quod autem ius habebam in eisdem vel habere putabam ipsis tradidi et trado donavi et dono transferendo in eos easdem possessiones cum omni iure quiete et pacifice perpetuo possidendas promittens in presentibus bona fide pro me meisque heredibus omnibus prefatis dominis et monasterio super eisdem possessionibus in perpetuum litem vel contraversiam non movere in iudicio vel extra nec violenciam aliquam irrogare imo nec verbis nec factis quemquam in ipsorum gravamina armare causa odii vel ingratitudine alicuius facti renuncians pro me omnibusque meis heredibus omni actioni exceptioni deceptioni consuetudini constitutioni edite vel edende litteris impetratis vel impetrandis restitutioni in integrum omni ingratitudini omni iuris auxilio canonici vel civilis vel placiti secularis si quod forte mihi vel heredibus competere posset et generaliter omni favori legum per quas predicta translatio et donatio posset aliqualiter in posterum revocari Preterea cum dominus bone memorie H de Kempten meus progenitor prelibatis dominis iniuriam fecerit subtrahendo viam publicam spectantem ad ipsorum possessiones in Segreben et ab antiquo induetam et inhabitatam et ob hoc magnum dispendium et incomodum ineurrerint et frater meus frater R ipsis in recompensationem liberalitatem faciendo et habendo viam publicam per bona vbers Bol sita in alga ville Kempten contulerit et donaverit eandem ipsis confero et presentibus dono iuxta modum discriminis eiusdem vie ostensum et circumscriptum per Eberhardum dictum Ebengros et R dictum Mangolt presentibus [] domino abbate et duobus suis canonicis et aliis pluribus ita videlicet ut ipsi et ipsorum familia et omnes colentes suas possessiones in Segreben plenam habeant perpetuo facultatem ingrediendi egrediendi per eandem viam cum curribus equis carrucis aliisque nullo prepediente pro sua utilitate et suo libito voluntatis rata et grata habiturus hec et singula que per fratrem R facta sunt et ne a posteris meis cassentur presentibus singula confirmo Et quoniam de gestis hominum ut frequenter grandis emergit calumpnia propter multifariam testium productorum relationem ideoque ne prestetur litigii occasio successoribus litteris perhennibus et sigillorum munimine universa calumpnie materia prevenitur igitur ut suprascriptis plenissimum accedat robur firmitatis ne ausu nefando inficiantur hoc presens instrumentum in perpetuam huius rei firmitatem et evidenciam prescriptorum plenissimam ne aput me vel meos successores calumpniari valeant supradictis dominis [] abbati et conventui predicti monasterii tradidi mei sigilli munimine roboratum Datum et actum in Kempten presentibus testibus infra scriptis videlicet fratre Ber dicto Friman fratre Hessen canon[icis] in Rvti H dicto Tobler [] dicto Biderbe iuniore C Cimentario de Wintertura H dicto Zwiger Vol dicto Minning Eberhardo et C dictis Ebengros R dicto Stete Bur et R dictis Hovber R dicto Mangolt H dicto Kovfman Lvtoldo piscatore et aliis pluribus fide dignis anno domini MCCLXXXXIX idus aprilis indic XII