Charter Document - 04060436

Wilhelmus dei gratia abbas monasterii sancti Galli totusque conventus monasterii eiusdem omnibus presens scriptum intuentibus salutem in domino et notitiam subscriptorum Ne res gesta oblivionis corrosa ferugine nonnumquam discensionis valeat materiam exhibere expedit ut litterarum memorie commendetur Noverint itaque universi et singuli Christi fideles quos nosce fuerit oportunum quod cum dilectus ministerialis nostri monasterii dominus Egl de Rosinberg quasdam possessiones comparaverit pro dilectis in Christo [] abbatisse et conventu monasterii in Magginowe quarum proprietatem nobis nostroque contribuit monasterio et a nobis recepit in feodum ad peticionem eiusdem dicteque abbatisse et conventus communicato sapientum consilio ac intuentes nostri monasterii utilitatem obligationem huiusmodi subintravimus quod salvis nobis censibus et aliis iuribus quibuscumque nostro monasterio debitis a monasterio in Maginowe memorato sineremus et permitteremus ut sepe fata [] abbatissa et conventus de possessionibus quorum nobis pertineret proprietas septem marcharum redditus compararent ita ut eorundem reddituum proprietas ex donatione et licentia nostri dicto monasterio in Magginowe pertineret sicut in instrumento super hoc confecto plenius continetur Et quia prelibati abbatissa et conventus per manus nostras rite et legitime has possessiones compararunt videlicet in villa ze Swarcinbach curiam quondam dicti de Luterberg solventem XIII frusta item possessiones dictas der Omin gut solventes I quartale et VI frusta item ibidem quandam advocatiam quarundam proprietatum solventem I denarium et III solidos item in villa Gebrehzwiler curiam dictam bi dem Bach solventem XI frusta item ibidem possessiones quondam Wernh de Breginsdorf solventes III frusta et VI denarios item in villa Bacinhaede decimam que fuerat H de Yberg solventem V frusta et decimam ze dem Aechbuel solventem II frusta item ze Oetenwile decimam unum frustum solventem que similiter due decime fuerant H de Yberg item in curia ze Sigiswiler decimam quondam dicti de Vurberg solventem I frustum item ze Aenwile prope Vurberg possessiones quondam dicti de Vurberg redditus II frustorum item in villa ze Tonrton curiam et decimam que similiter fuerant dicti de Vurberg solventes XXV frusta item an der Staeg sub Ramsowe decimam solventem II quartana per quas possessiones pensantes suffitienter de redditibus VII marcharum ipsam abbatissam et conventum licentiam et reconpensationem habuisse cupientes promissum nostrum et obligationem plenius exsolvere proprietates dictarum possessionum cum suis iuribus et annexis in refusionem et reconpensationem possessionum comparatarum per dictum de Rosinberg pretacto monasterio in Magginowe damus tradimus et donamus cum omni sollempnitate iuris verborum et gestuum debita et consueta ita tamen ut in nostris censibus et iuribus nichil nobis nostroque monasterio depereat ex donatione huiusmodi quovismodo alias preter contributionem memoratam Volumus etiam per hoc exonerari ab oligatione premissa et esse ab eadem penitus absoluti Promittimus insuper bona fide non contra venire verbo vel facto ac renuntiantes exceptionibus doli mali beneficio restitutionis in integrum litteris a sede apostolica vel aliunde inpetratis vel inpetrandis deceptionis ultra dimid[ium] et generaliter singulis ac singulariter universis iuribus per que contra premissa venire possit aliquis vel ea aliqualiter irritare In horum autem evidentiam sigilla nostra duximus presentibus apponenda Dat apud sanctum Gallum anno domini millesimo CCLXXXXIXIII non febr ind XII Presentibus nobili viro Craftoni de Togginburg comite canonico ecclesie Constantiensis Hug comite de Jagberg domino H de Griessinberg domino Volr dicto Giel domino Bur advocato de Wartinse Volr dicto Giel Jo de Lindinberg Dieth de Mos Volr Advocatus Jo de Husen domino Eber de Bichilnse C de Gaenwile [] filius Bur de Magilsberg et aliis quam pluribus fide dignis