Charter Document - 04060429
| Charter Number: | 04060429 |
|---|---|
| Cartulary Title: | Chartularium Sangallense IV [St. Gallen] |
| Charter Language: | German |
| Charter Origin: | Lay |
| Charter Type(s): | Decree |
| Date: | 1298 |
| Date type: | Internal, A.D., Feast |
| Resource Link(s): |
Monasterium.net |
Charter:
Den erberen vnde den bescheidenen bvrgeren dem schvltheissen vnde dem rate vnde der gemeinde von Friburg in Brisgoewe enbvt ich graue Friderich von Toggenburg der elter minen getrvwen dienst mit ganzen willen vnde tvon vch kvnt vmbe den zins des ir mir schvldig sint von mines herren wegen graven Egenen wegen swes ir des zinses hern Hvnin vnserm lieben capellan gewerent das ich des gewert bin vnde das ir das gelovbent vnde wissent das es war ist dar vmbe gib ich min offen ingesigel an disem brief ze eime rehten vrkvnde Dirre brief wart gegeben nah der gebvrte vnsers herren do man zalte tvsent jar vnde zwei hvndert jar vnde nvnzig vnde aht jar nach sante Michels tage an dem fritage