Charter Document - 04060427

Dilectissimo domino suo viro venerabili [] officiali curie Const[anciensis] S viceplebanus in Egbvotingen si quid est melius quam obediencia debita et devota Quemadmodum vestris recepi noviter in mandatis audire videlicet attestaciones et dicta residuorum testium iuratorum quos tunc infirmitate vehementi seu continua pregravatus audire non potui velut filius obediencie volens in omnibus obedire Testes audivi residuos iuxta mandati vestri traditam mihi formam de quorumque Walth dictus Hovuisen testis iuratus requisitus dicit quod antecessores C dicti de Grvonburg videlicet C pater suus et Gerungus patruus suus receperunt dictas possessiones in Mvnoluingen sine omni contradictione et inpedimento monasterii sancti Galli sicut adhuc recipit C predictus de Grvonburg hereditate successiva Requisitus de possessionibus in Wesdorf in Hvsern nichil scit Requisitus de decimis in Mvnoluingen dicit quod idem C de Grvonburg in usus suos eos collegerit sicut antecessores sui predicti omnibus quibus recordatur hoc excepto quod audiverit ex relatu quod dicte decime debeant curie cellerarie in Mvnoluingen pertinere Requisitus si quis abbas ei concesserit dicit quod nescit Requisitus de tempore et loco dicit quod nescit Requisitus de consensu capituli dicit quod nescit Requisitus si unquam viderit nuncios dicti monasterii colligere fructus possessionum aut decimarum in Mvnoluingen dicit quod nescit Requisitus de condicione dicit quod sit filius censualis monasterii sancti Galli et recordatur ad L annos C de Mvnoluingen testis iuratus per omnia concordat cum teste predicto Walth Requisitus de condicione dicit quod sit filius censualis monasterii sancti Galli et recordatur ad XL annos Bur dictus Woluel testis iuratus requisitus per omnia concordat cum predicto Walth hoc excepto quod audierit a patre suo possessiones in Mvnoluingen recepisse nuncios monasterii sancti [G]alli Requisitus de condicione dicit quod sit mon[asterii] sancti Galli et recordatur ad XX annos Walth de Ohtfridingen testis iuratus requisitus per omnia concordat cum predicto Walth hoc excepto quod audierit ex relatu quod possessiones in Wesdorf et in Hvsern idem C de Grvonburg in suos usus eas collegerit sicut antecessores sui predicti et recordatur ad XL annos Requisitus de condicione dicit se esse libere condicionis In huius igitur execucione mandati vestri et rei veritatem quia sigillo ad presens careo proprio presentem cedulam sigillo acomodato reverencie vestre cum partibus die per vos ipsis assignata dirigo roboratam Dat Mvnoluingen anno domini MCCXCVIII idus novembr indc XII