Charter Document - 04060421

Wilh dei gratia abbas monasterii sancti Galli omnibus intuentibus presens scriptum salutem in domino et notitiam subscriptorum Noverint universi quos nosce fuerit oportunum quod veniens ad nostri presentiam dilectus ministerialis monasterii nostri Eglolfus miles senior de Rosinberg una cum domina Guota uxore sua filia nobilis viri domini R de Gutingin transtulit per manus nostras rite et legitime cum debita resignatione premissa in personam dicte uxoris sue redditus trium librarum de curia sua Obrinberg titulo feodi possidend[os] in refusionem bonorum seu peccunie quam ipsa de bonis paternis nomine dotis sibi attulerat ita tamen quod pueri per ipsos procreati in eisdem redditibus hereditario nomine succedere debeant quos equidem redditus ipsa domina Guota memorato suo marito legaverat pro tempore sue vite iure quod vulgariter libgiding nominatur libere possidend[os] Infeodavimus etiam prelibatam dominam Guotam ad petitionem predicti militis domini Egl de redditibus duarum librarum ex eadem curia quos ipse ei contribuit donationis nomine que morging ab nuncupatur sed et eosdem redditus ipsa sibi pro tempore sue vite similiter relegavit Item sepe dictus miles prememorate uxori sue legavit possessiones dictas ze Rudeli et pascuam ibidem cambitam cum hominibus de Obrinberg item curiam dictam Schoranzhuob cum singulis suis pertinentiis et annexis videlicet agris pratis pascuis nemoribus viis inviis et aliis quibuslibet suis appenditiis et iuribus post decessum suum iure quod libgiding nominatur libere tenend[as] et pacifice perfruend[as] Hec omnia confitemur per manus nostras ac de consensu nostro benivolo fore facta cum adhibitione iuris et sollempnitate verborum et gestuum necnon renuntiatione debita que solent in talibus adhiberi In cuius rei testimonium sigillo nostro presentes duximus muniendas Dat apud sanctum Gallum anno domini MCCLXXXXVIII V kal iulii