Charter Document - 04060407

Dicit et proponit in iure coram vobis domino [] officiali curie Const[antiensis] H prepositus monasterii sancti Galli de consensu venerabilis domini Wilnhelmi dei gratia abbatis monasterii sancti Galli predicti et conventus eiusdem contra C de Grvonburg quod cum decima sita in Mvnoluingen que vulgariter dicitur der mer zehende abbatie et decima in Tainingen decima in Wighain in Ettlingen in Pforren in Wesdorf que vulgariter dicitur bortzehende et census quadraginta malterorum communis frumenti singulis annis solvendi de curia [] abbatis predicti in Mvnoluingen et ius quod dicitur vihloesi reddens singulis annis unam lib[ram] monete Prisg que omnia predicta in universo estimantur ad summam centum malterorum et decem iure dominii vel quasi pertineant monasterio sancti Galli memorato et prefatus C predictas decimas et census et ius predictum sibi usurpaverit recipiendo singulis annis redditus dictarum decimarum et census cum iure predicto per viginti quinque annos quorum summa se extendit ad duo milia malterorum et quingenta mensure in Nidelingen et viginti quinque lib[ras] den[ariorum] monete supradicte Quare petit prefatus prepositus nomine monasterii predicti quatenus memoratum C mediante vestra sententia per censuram ecclesiasticam conpellatis ut eidem monasterio prefatas decimas libere et absolutas dimittat cum censibus et iuribus predictis et nichilominus iuxta estimationem predictam percepta restituat Hec dicit et petit salvo sibi iuris beneficio in omnibus addendi minuendi corrigendi [] Petit expensas factas in lite et protestatur faciendas sibi fore salvas Nec astringit se ad probandum omnia premissa sed ad ea tantum que sibi pro sua intencione fundanda sufficere videbuntur Huic libello respondendum est proxima feria sexta ante festum beati Jacobi apostoli hora prime Dat Const[antie] XI kl iul indic X