Charter Document - 04060402
| Charter Number: | 04060402 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1297 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus intuentibus presens scriptum Lutoldus miles pincerna de Glatteburg ministerialis monasterii sancti Galli salutem in domino cum noticia subscriptorum Noverint universi quos nosce fuerit oportunum quod cum ego gracia serviciorum meorum a monasterio sancti Galli pignora pro septuaginta sex marcis habuerim rite et racionabiliter obligata videlicet in villicatu ze Schefelo in caseis redditus tres libr[arum] et quinque solidorum item in eodem villicatu dimidi etatem omnium hereditatum et mortuariorum ibidem eveniencium item de dote ecclesie in Wila redditus viginti frustrorum item ibidem de officio sacriste redditus sex frustrorum item in officio Witebach redditus quatuor librarum ego cupiens saluti mee anime providere eadem pignora ad manus venerabilis domini mei Wilhelmi dei gracia abbatis monasterii sancti Galli retribui et resignavi propter deum monasterio antedicto Intuentes itaque iamdictus dominus meus abbas unacum capitulo ipsius monasterii servicia per me sepius ipsi monasterio impensa et adhuc impendenda eadem bona michi contulerunt eo iure quod vulgariter libgeding nominatur possidenda pro tempore mee vite ex tunc in antea a nullis meis heredibus usurpacione iuris aliqua nullatenus occupanda et in horum evidenciam presentes ipsi monasterio tribui sigilli mei robore communitas Datum apud sanctum Gallum anno domini millesimo ducentesimo nonogesimo septimo secundo nonas iulii indictione decima