Charter Document - 04060401

Omnibus Christi fidelibus presentem paginam inspecturis Volricus de Truchpurg camerarius monasterii sancti Galli salutem in domino cum noticia subscriptorum Noverint universi tam posteri quam presentes quod ego nomine [] abbatis et conventus monasterii predicti ac officii camere michi commisse cui videlicet officio amministracio curie in Volbernsperg cum omnibus pertinenciis suis pertinere dinoscitur habens ad hoc speciale mandatum a prefatis abbate et conventu omne ius et accionem michi ac predicto monasterio competens in peculio quondam Katherine ac Margerete et Gvote filiarum quondam Chvonr Vron Hedinvn conversarum conventus qui dicitur in Witengaszen ordinis fratrum Minorum acceptis quinque libris et dimidio denariorum Constantiensium libere et intuitu caritatis remitto nomine mei ac predicti monasterii sancti Galli decernens prefatas Margaretam et Gutam nunc viventes liberas et absolutas fore ab omni exactione in vita et in morte et quod liberaliter absque quolibet impedimento domino in prefato conventu regulariter possint ac valeant famulari renuncians pro me dictoque monasterio omni iuri seu accioni competenti dicto monasterio in prefatis Margareta et Guta seu peculio earundem in vita ac post mortem ipsarum adhibitis in omnibus predictis qualibet verborum et gestuum sollempnitate debita et consueta Ceterum ut omnia et singula prefata sub vigore perpetuo perseverent renuncio circa ipsa et quodlibet eorundem nomine monasterii predicti scriptis presentibus cum sollempnitate debita et consueta beneficio restitucionis in integrum principaliter et incidenter postulando excepcionibus doli mali non numerate pecunie non solute decepcionis ultra dimidium iusti precii litteris ac privilegiis a sede apostolica vel aliunde impetratis vel impetrandis omnibus constitucionibus et statutis tam editis quam edendis et generaliter omni suffragio quo mediante ea que premissa sunt ullo unquam tempore possent infringi seu violari In evidenciam itaque premissorum presens instrumentum supradicto conventuiin Witengaszen sigilli mei robore communitum nomine mei ac predictorum abbatis et conventus monasterii sancti Galli tradidi et assignavi Datum apud sanctum Gallum anno domini MCCLXXXXVII VI idus ianuar indic X Presentibus fratribus Minoribus Chvnr dicto Tenneler Hug dicto Thichteler magistro Johanne dicto Phefferh canonico ecclesie sancti Stephani Constantiensis magistro Johanne rectore puerorum oppidi sancti Galli Hug fratre suo Hermanno dicto de Rayn cive apud sanctum Gallum et aliis pluribus fide dignis