Charter Document - 04060398

Wir Adolf von gotes genaden Romischer kung vnd allewege ein merer dez riches wir haben betrachtet vnd ist vns daz wol fur chomen von der warheit daz daz gotzhus ze sant Gallen in Chostentzar bistum da her vor manigen citen sere beswaret vnd in grozzen schaden chomen ist von kunich Rudolf seligen vnserm vorvarn vnd dar vmb ze einer bezzerunge dem selben gotzhuse durch got vnd durch vnser heil so geben wir vnserm lieben forsten abbet WilleheIm von sant Gallen Chostentzar bistums funfhundert march lotiges silbers Chostentzar gewages vmb sinen dienst vnd erlovben dem selben abbet vnd gebn im swaz er sines gotzhuses geniezzen mak an stiuren vnd an allen nutzen beidiu in der stat ze sant Gallen vnd in dem lande vber allez sin gotzhus wan daz wir vns selben vis nemen vnser gesat vogreht vnd vnser vogtgerihte vnd sol der vorgenant abbet Willehelm vnd sin nachchomen als lange daz vorgenante gotzhus ze sant Gallen niezzen ledeclichen an stiuren vnd an andern nutzen als da vor geschriben ist vntz wir oder vnser nachchomen den vorgnanten abbet ze sant Gallen gewert habn gantzliche der funfhundert march vnd suln wir noch nieman von vnsern wegen den abbet niht irren an den selben nutzen wir wollen ouch daz die selben nutze niht sullen gereit werden in daz hovpgut vnd suln daz hovpgut niht minnern Dirre brif wart gegeben ze Sletzstat an sant Egidien tage do man zalte von gotes geburte zwelfhundert jar vnd siben vnd nunzik jar in dem sechsten jar vnsers riches