Charter Document - 04060395

In nomine domini amen Wilh dei gratia abbas totusque conventus monasterii sancti Galli omnibus presentium inspectoribus salutem cum notitia subscriptorum Ea que aguntur sub tempore ne oblivionis caligine obfuscantur scripturarum testimoniis convenit perennari Hinc est quod omnibus bone voluntatis hominibus tam presentibus quam futuris notum fieri volumus per presentes quod cum dictum nostrum monasterium tam gravi onere debitorum ex quo dampna cottidiana et usure continue emergebant adeo graviter quod nisi celeri remedio subveniretur eidem ad irrestaurabilem ruinam mergeretur Nos volentes contra lapsum huiusmodi providere cum non esset nobis aliunde facultas possessiones nostras in Morishusen prehabito inter nos diligenti tractatu tamquam minus utiles venditioni exposuimus legitime ut magis offerenti venderentur Sed quia Hainr rector ecclesie in Moerishusen et Volr frater suus necnon [] liberi quondam Hainr fratris ipsorum dicti de Zurzach plus aliis offerebant eis ob causam predictam prefatas possessiones in Moerishusen videlicet curiam nostram dictam der kelnhoue prout infra septa sua est contenta cum agro sibi contiguo dicto die Bvnde cum iure patronatus ecclesie ibidem annexo eidem curie et cum scuopossa que wulgariter dicitur des Dorflingers schuoposse et pertinentiis omnibus eiusdem schuoposce dumtaxat omnibus aliis nobis retentis iurisdictione videlicet districtu iudiciis hominibus procurationibus ac universis aliis iuribus annexis eidem curie iusto venditionis titulo pro quinquaginta septem marcis argenti ponderis Constantiensis assignavimus tradidimus et donavimus ab eis et heredibus ipsorum possidendas perpetuo et tenendas de quo quidem argento nobis plenarie satisfactum esse presentibus confitemur adhibita in hac venditione omni sollempnitate iuris verborum et gestuum que solet et debet in venditionibus huiusmodi adhiberi Adiectum est autem in contractu quod ipsam curiam vendidimus eisdem absolutam et liberam ab onere advocatie quod de ipsa curia dari consuevit promittentes bona fide non contravenire verbo vel facto renuntiantes insuper omnibus privilegiis habitis et habendis ac rescriptis a sede apostolica inpetratis vel etiam inpetrandis aliunde auxilio consuetudinis generalis seu specialis exceptioni doli mali non numerate peccunie non solute deceptionis ultra dimidiam iusti pretii ac beneficio restitutionis in integrum principaliter seu incidenter postulando et generaliter omni auxilio seu defensionibus iuris et facti quibus mediantibus ea que dicta sunt infirmari valeant vel aliqualiter irritari In horum autem evidentiam nos Wilh dei gratia abbas prememoratus sigillum nostrum nos vero H prepositus Rumo de Ramstain H portarius H de Durrinhain Volr camerarius Hilteboldus custos Joh de Gutingin monachi supradicti monasterii qui presentialiter dictum tractatum consumavimus et nostrum consensum benivolum omnibus suprascriptis adhibuimus sigillum conventus nostri presentibus apposuimus in testimonium veritatis Datum et actum apud sanctum Gallum anno domini MCCLXXXXVII VIII idus febr ind X presentibus domino Walt dicto Lesti rectori ecclesie in Herisowe domino Bur milite advocato de Wartinse Eglolfo seniori de Rosinberg Jo doctori puerorum apud sanctum Gallum et aliis quam pluribus fide dignis