Charter Document - 04060393
| Charter Number: | 04060393 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1296 |
| Date type: | Internal, A.D., Calendar |
| Resource Link(s): |
Monasterium.net |
Charter:
Wilhelmus dei gratia abbas monasterii sancti Galli ordinis sancti Benedicti Constan[tiensis] diocesis totusque conventus eiusdem monasterii omnibus present[ium] inspectoribus salutem in domino cum noticia subscriptorum Noverint universi quod nos considerata utilitate nostri monasterii Volr de Druhburg camerario nostri monasterii curiam in Volbrohsberg pertinentem nostro monasterio cum hominibus et omnibus aliis suis pertinentiis pro feudo claustrali pleno iure contuli aras et volumus ut idem Volr habeat liberam amministracionem curie eiusdem auctoritatem recipiendi mortuaria de hominibus eiusdem curie et omnia emolumenta seu utilitates que de iam dicta curia seu hominibus ipsius poterunt provenire recipiendi petendi in iure vel extra ius et generaliter prosequendi omnia iura monasterio nostro debita de possessionibus et hominibus curie prelibate promittentes ipsum non impedire circa premissa quin ut pretactum est utilitates provenientes et de curia et hominibus sive census mortuaria vel alie obventiones fuerint quecumque prosequatur et recipiat ubicumque In quorum testimonium sigilla nostra duximus presentibus appendenda Datum in sancto Gallo anno domini MCCLXXXXVI XIIII kal novemb ind X