Charter Document - 04060392
| Charter Number: | 04060392 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1296 |
| Date type: | Internal, A.D. |
| Resource Link(s): |
Monasterium.net |
Charter:
Nos Fridericus comes de Toggenburch omnibus presencium inspectoribus noticiam subscriptorum cum salute Noverint universi quod cum Eberhardus nobilis de Burgelvn curiam dictam des Hagenstalres curiam dictam des Hofsteters et curiam dictam des Brvnen sitas in villa Lomes a nobis teneret in feodum cum omnibus iuribus suis et pertinenciis idem nobilis nobis humiliter supplicavit ut predictas curias quas ad nostras manus libere resignavit quarum proprietas ad nos spectat dilectis in Christo [] abbatisse et [] conventui monasterii in Tenninkon Cystertiensis ordinis conferre proprietatis tytulo dignaremur Nos igitur prelibati nobilis precibus inclinati predictis abbatisse et conventui proprietates curiarum antedictarum cum omnibus suis iuribus et pertinenciis duximus liberaliter conferendas tradendas et donandas in ipsas omne ius quod nobis in predictis curiis competiit tenore presencium transferentes renunciantes sine dolo et fraude qualibet tam pro nobis quam pro omnibus nostris successoribus omni iuris communis vel privati canonici vel civilis auxilio et excepcioni nec non litteris quibuslibet inpetratis vel impetrandis et generaliter occasioni cuiuslibet iuris aut consuetudinis pretextu nostre donacionis forma prefata de consensu pariter et bona voluntate nostri sicut predictum est facto a nobis vel ab aliquibus successorum nostrorum possit aliquatenus impeti vel cassari Ut autem ea que predicta sunt permaneant inconvulsa nos vero predictus comes de Toggenburc et Eber de Burgelvn antedictus memoratis [] abbatisse et conventui in Tenninkon presentem litteram dedimus sigillorum nostrorum robore communitam Datum et actum in Vzzena die sabbati ante festum beati Martini anno domini MCCLXXXXVI indic X