Charter Document - 04060388
| Charter Number: | 04060388 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1296 |
| Date type: | Internal, A.D., Calendar |
| Resource Link(s): |
Monasterium.net |
Charter:
H dei gratia Constan[tiensis] episcopus dilectis in Christo universis ad quos presentes pervenerint salutem et noticiam subscriptorum Noveritis quod magister Nicolaus noster notarius qui quasdam possessiones sitas in banno ville de Castello quas a nobis et a nostra ecclesia Rudolfus de Rinegge miles tenuit in feodum ab eodem milite de nostra permissione et indulgentia pro certa quantitate peccunie comparavit easdem possessiones cum omnibus suis iuribus et pertinenciis in cappellam seu altare sancti Michahelis de nostro et capituli nostri consensu in salutis sue remedium pie titulo transtulit donacionis ordinacione salubri de eisdem possessionibus sibi salva et fructuum ipsarum percepcione sibi pro vite sue tempore reservata Nos igitur huiusmodi donacioni ratam et gratam habentes ipsam auctoritate ordinaria confirmamus et in premissorum evidentiam nostro et predicti capituli nostri sigillis presens scriptum fecimus sigillari Nos R decanus et capitulum supradictum confitemur nostrum consensum adhibuisse prenotatis liberum et expressum in eius testimonium nostro sigillo presentem cedulam sigillantes Datum et actum Const[antie] anno domini millesimo CCXCVI X kln iulii ind nona