Charter Document - 04060381

Omnibus Christi fidelibus presentem litteram inspecturis divina permissione [] magistra totusque conventus monasterii in Munsterlingen ordinis sancti Augustini salutem cum noticia subscriptorum Inter opera caritatis non minimum reputatur cum personis religiosis ac devotis frequencius ac uberius ut divino valeant obsequio insudare in hiis que ipsis ad cottidiani victus usum sunt necessaria subvenitur Noverint itaque tam posteri quam presentes quos nosce fuerit oportunum quod nos decimas sitas in Mittelberg in Zaisenlohe et in Awahs habita deliberacione sufficienti inter nos et consensu unanimi ac tractatu sufficienti premisso et cum voluntate Heinr de Vttwile qui partem dictarum decimarum a nobis in feodum tenuit auctoritate reverendi patris ac domini nostri H dei gratia Constanciensis episcopi cum universis suis pertinenciis et iuribus omnique condicione qua nobis pertinet divine retribucionis intuitu in religiosas personas [] priorissam et sorores domus que dicitur de Zouingen site in Constancia transtulimus tenendas et possidendas perpetuo cum omni utilitate pacifice et quiete ab eisdem adhibita in eadem translacione qualibet verborum et gestuum sollempnitate debita et consueta Et ut premissa nullo umquam possint tempore violari renunciamus circa ipsa ac quodlibet ipsorum tam pro nobis quam pro successoribus nostris qui pro tempore fuerint beneficio restitucionis in integrum litteris a sede apostolica vel aliunde inpetratis seu inpetrandis defensioni non adhibite sollempnitatis omni consuetudini generali vel particulari privilegio fori omnibus constitutucionibus eiditis vel edendis excepcioni doli mali quod metus causa cuilibet auxilio tam canonum quam legum et generaliter omni suffragio tam in specie quam in genere quo mediante ea que premissa sunt vel ipsorum quodcumque quovis ingenio impediri valeant seu violari Et in evidenciam omnium premissorum presens instrumentum de nostro consensu et unanimi voluntate confectum ac conscriptum prelibatis priorisse et sororibus tradidimus robore sigillorum nostrorum ac sigillo reverendi patris ac domini H dei gratia episcopi prelibati communitum Nos vero H dei gratia episcopus predictus sigillum nostrum ad peticionem dictarum magistre et conventus in Munsterlingen in evidenciam premissorum duximus presentibus appendendum Datum et actum Constancie presentibus fratre Cunr de Constancia fratre Cunone priore Bernen[si] ordinis Predicatorum Alberto de Clingenberg milite Johanne de Curia Cunr dicto Goezzli Johanne dicto Ogespurger Nicolao dicto Traehsel Heinr dicto Kessewiler civibus Constanciensibus Bertoldo villico de Egoltshoven et aliis fide dignis Anno domini MCCLXXXX sexto IIII non marcii indictione nona