Charter Document - 04060367
| Charter Number: | 04060367 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
In nomine domini amen Nos Will[el]ms miseratione divina abbas monasterii sancti Galli universis Christi fidelibus ad quos instrumentum presens pervenerit subscriptarum rerum noticiam et salutem in domino sempiternam Cum honorandi viri dominus Conradus et conventus ecclesie sancti Laurentii de Ittingen ordinis sancti Augustini pro probo viro Hainrico villico nostro de Stamhaim mansum qui vulgariter dicitur dis maigers hvobe in Stamhaim et vineam suam cum decima ab utroque latere que dicuntur an din Haidon curie nostre cellerarie in iamdicta villa Stamhaim annexe et solamen ipsius villici cum omnibus suis pertinentiis et iuribus universis rite et legitime compararint pro certa pecunie quantitate idem Hain predicta bona mansum videlicet vineam decimam cum solamine in omni eo iure quo ipse et sui predecessores usque ad hec tempora ea possederunt ad manus nostras sponte ac voluntate libera resignavit petens a nobis cum instantia humiliter ac devote ut sepe dicta bona cum universitate transeunte memorato preposito et conventui benignitate solita conferre liberaliter et donare dignaremur Nos vero vestigiis domini Berht memorie recolende ac aliorum predecessorum nostrorum volentes sinceris affectibus inherere mansum decimam vineam et solamen cum omnibus suis pertinentiis et iuribus universis quocumque nomine seu titulo censeantur sepe dicto [] preposito et conventui ecclesie sancti Laurentii de Ittingen tradidimus et donamus et proprietatem supradictorum bonorum sollempniter transferimus in eosdem In cuius rei testimonium et omnium premissorum instrumentum presens sepefatis preposito et suo conventui donavimus nostri sigilli robore communitum Datum apud sanctum Gallum anno domini MCCLXXXXV in annuntiatione virginis gloriose indicione VIII