Charter Document - 04060365
| Charter Number: | 04060365 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1295 |
| Date type: | Internal, A.D., Calendar |
| Resource Link(s): |
Monasterium.net |
Charter:
Hainricus dei gracia Constan[ciensis] episcopus omnibus presencium inspectoribus salutem et in domino caritatem Noveritis quod vir discretus Cunradus de Sumeri civis Constan[ciensis] sue volens prospicere saluti ex decima hube dicte dez Ruhen hube et duabus scopossis eiusdem Ruhen et predii quod Cunr et Rudolfus dicti hern Huges fratres de Tegerwil colunt quam utique decimam Lutfridus de Gotluben tenet in feodum a nostra ecclesia Constan[ciensi] ab Volrico et Alberchto de Klingenberg nostris fratribus Rudolfo et Hermanno de Sulzberch fratribus militibus de nostro consensu et militum eorundem unum modium tritici et duos modios avene census annui pro certa quantitate pecunie conparavit et eundem censum altari sancti Johannis ewangeliste quod est in nostra Constan[ciensi] ecclesia contulit et donavit Ita videlicet ut universi eiusdem decime site in banno ville Tegerwil possessores dicto altari prefatum censum singulis annis solvant ut ex eo in oleum commutato lumen iamdicto altari perpetuo ministretur quod per totam noctem et usque ad consumacionem misse que ibidem celebratur in ortu diei iugiter ardeat coram eo ac uno die iuxta quod instituerit missa pro salute vivorum quamdiu vixerit et cum decesserit eius anniversarium celebretur huiusmodique census per manum et consensum tam nostrum quam predictorum militum sacerdoti ipsum altare officianti in divinis nomine ipsius altaris est libere resignatus Et in premissorum testimonium presens scriptum est sigilli nostro et predictorum militum sigillatum Nos Volricus et Alberchtus de Klingenberch Rudolfus er Hermannus de Sultzberch milites prenotati in premissorum testimonium nostris sigillis sigillavimus presens scriptum Datum et actum Constan[cie] anno domini MCCXC quinto kal marcii indict VIII