Charter Document - 04060356

Universis hanc litteram inspecturis Fridericus miles et Swigerus fratres dicti Tumben de Nuwenburch subscriptorum noticiam cum salute Cum nos curiam dictam der houe ze Blattun quam Alber dictus ze dem Bovngarten excolit translatam in nos a Rud dicto der Wilde Behain de Birchach H et Alber fratribus de Kobelon per titulum permutacionis quorundam bonorum nostrorum videlicet agrorum dictorum an dem Zolwerde prope Getzis et pratorum dictorum der swesteron mat in den Medern prope Chummingen vice versa a nobis in ipsos translatorum in quibus constat eisdem legitime recompensatum sicut iidem per suas litteras contitentur quam curiam iidem ab imperio tenebant in feodum in honorabiles et religiosos viros [] abbatem et conventum monasterii de Salem titulo empcionis transtulerimus sicut in alio instrumento per nos et predictos R H et Alber eisdem de Salem dato collig[it]ur evidenter per stipulacionem sollempnem promisimus et promittimus bona fide abbati et conventui memoratis quod quamprimum copiam serenissimi domini nostri [] regis Romanorum apud Const[anciam] Thuregum Scafusam Vberlingen Phullendorf Vlmam Rauenspurch vel Lindaugiam habere poterimus nomine dictorum abbatis et conventus requisiti recompensacionem dicte curie legittimam per alias possessiones nostras iure proprietario nobis pertinentes eidem domino nostro regi nomine imperii faciemus Ceterum ne dicta recompensacio seu recompensacionis expedicio in preiudicium sepe dictorum abbatis et conventus possit quomodo libet impediri et ut iidem super premissis magis sint tuti iuxta legittimas sanctiones strennuos viros et discretos Cunr de Grimmenstain H de Rankwil militem necnon dominum H de Nidegge nobilem sibi constituimus fideiussores ad expediendum premissa sicut superius est expressum dolo et fraude qualibet circumscriptis Sane si quod absit adhibita per nos apud dominum nostrum regem super expedicione recompensacionis iamdicte diligencia qua possumus congrua et competenti ab eodem domino nostro ut ipsam recompensacionem a nobis acceptare voluerit obtinere non possumus et de hoc predictos de Salem quod pro dicta expedicione fecimus quicquid debebamus et potuimus evidenter possumus edocere vel certificare ex tunc obligati sumus et erimus eisdem de Salem de possessionibus seu bonis nostris iure proprietatis nobis pertinentibus equivalentibus vel melioribus curie supradicte dicte der houe ze Blattun si voluerint et a nobis id petierint ipsam curiam refundere seu recompensare infra trium mensium spacium post monicionem seu requisicionem eorundem ubicumque locorum voluerint acceptare possessionibus seu bonis nostris apud Illebrugge prope Veltkilch sitis dum taxat exceptis alioquin si in aliquo premissorum negligentes fuerimus aut remissi dicti fideiussores dominus H videlicet de Rankwil apud Veltkilch Cunr de Grimmenstain apud Rinegge et H de Nidegge Brigancie fide data nomine iuramenti moniti a sepe dictis de Salem infra octo dies post monicionem huiusmodi tenebuntur se in verum obstagium presentare et si aliquis dictorum fideiussorum legitime et racionabiliter prepeditus videlicet in alio obstagio existendo aut alio quovis racionabili modo personaliter obstagium observare non potuerit alium eque ydoneum et honestum tenebitur subrogare numquam inde recessuri donec omnia predicta per nos finem debitum sorciantur et ad effectum debitum perducantur Adiectum est etiam quod si aliquem fideiussorum decedere contigerit infra mensem post monicionem dictorum de Salem ipsis alium eque ydoneum tenebimur subrogare alioquin superstites moniti tenentur se in obstagium ut predictum est presentare quousque alter eque ydoneus ipsis per nos loco defuncti subrogetur Nos C de Grimmenstain H de Rankwil et H de Nidegge nobilis fideiussores suprascripti omnia predicta vera esse profitentes obligamus nos fide data nomine iuramenti ad omnia nostro nomine prescripta fideliter exequenda dolo et fraude qualibet circumscriptis Et in huius rei evidens testimonium et robur inconvulsum ad peticionem Friderici et Swigeri fratrum de Nuwenburch prescriptorum sigilla nostra huic appendimus instrumento Actum apud Rinegge anno domini MCCXCIIII IIII kl septembr indict VII subnotatis testibus presentibus et rogatis videlicet honorabili in Christo Rud incurato in Tal Vol de Vttewile et Wern de Tal militibus Jo de Yberch C ministro seniore H et Jo fratribus dictis ministris de Rinegge H de Griezzerrun [] dicto Kelner Hainr de Aems C de Horn aliisque pluribus fide dignis