Charter Document - 04060353
| Charter Number: | 04060353 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presentium inspectoribus et auditoribus Elisabeth dei gratia abbatissa monasterii Thuricensis suusque conventus ordinis sancti Benedicti Constanciensis dyocesis noticiam subscriptorum cum salute Ea que publice ac bona fide aguntur ne in posterum valeant tergiversari vel irritari scriptur[arum] testimonio roborantur Noverint igitur presentes et futuri quod Berchta uxor Wezzeln civis Thuricensis divina pietate compuncta aream et domum suam quam hactenus iure proprietario possedit sitam in Thurego in vico qui dicitur Swendesgasse contiguam domui Eppen de Gisingen ex uno et domui reverendarum in Christo [] abbatisse et conventus in Seldenowe quam nunc inhabitat Heinr dictus Oerlinkon ex altera latere cum omnibus iuribus appenditiis et attinentiis suis in remedium et salutem anime sue parentumque suorum dedit donavit et tradidit honorabilibus in Christo [] abbatisse et conventui in Wurmenspach Cisterciensisordinis proprietatem eiusdem domus et aree cum omnibus iuribus suis predictis ad manus nostras de consensu et cum manibus predicti mariti sui libere et verbis expressis resignando Nos vero precibus predicte Berchte suique mariti inclinate prefatam domum et aream concessimus memoratis [] abbatisse et conventui in Wurmenspach pro annuo censu videlicet uno denario in exaltatione sancte crucis nobis nostroque monasterio persolvendo iure emphiteotico perpetuo possidendas Predictus etiam Wezzelo bona fide et spontanea voluntate renunciavit omni iuri quod sibi ratione usu fructus in predicta domo et area competebat vel competere videbatur Preterea prefata Berchta accedente consensu et favore predicti mariti sui renunciavit pro se suisque successoribus quibuscumque omni iuri repetitioni actioni consuetudini statutis editis vel edendis litteris impetratis vel impetrandis restitutioni in integrum et generaliter omni auxilio legum et canonum per quod dicta donatio resignatio et concessio posset aliquatenus irritari Ut autem premissa firma et rata permaneant presens instrumentum nostri sigilli munimine roboramus Actum Thuregi XII klnd septembr anno domini MCCLXXXXIIII indict VII Presentibus domino Nycol Thyen canonico ecclesie Thuricensis Heinr plebano ecclesie in Horgen magistro Heinr rectore puerorum prepositure Thuricensis Wernhero Biberli Arnoldo de Erlibach Lutoldo notario advocati Thuricensis et aliis quam pluribus fide dignis specialiter ad hoc vocatis et rogatis