Charter Document - 04060345
| Charter Number: | 04060345 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen Nos Hugo et Cristan et Johannes dicti Voelin cives loci sancti Galli notum facimus omnibus et conscripcione presencium confitemur quod domum nostram in Constantia sitam in Morizier Gaezzeli cum orto et aliis suis attinenciis non inducti nec circumventi sani et incolumes habentes amministracionem rerum nostrarum vendidimus pro XXX marcis argenti domino Jacobo dicto Roggewiler civi Constantiensi procuratori fratrum Minorum in Constantia nomine eorundem fratrum et ecclesie Romane secundum consuetudinem ordinis sui usibus eorum libere applicandam et eam ad manus domini Johannis Dispensatoris civis sancti Galli ex parte dicti procuratoris fratrum ad hoc constituti resignavimus cum sollempnitatibus et modis qui in talibus contractibus consueverunt secundum loci consuetudinem communiter observari abdicantes a nobis et heredibus nostris de conscientia et consensu ipsorum omne ius et proprietatem dicte domus que nobis vel eis conpetebat vel competere videbatur tradentes eam et inducentes procuratorem eorum in possessionem corporalem sicut superius est expressum Obligamus eciam nos si aliquid contra contractum istum per nos vel aliquem alium occasione nostri in dampnum vel iniuriam eorundem fuerit attemptatum quod eos indempnes plenarie faciemus Acta sut hec apud sanctum Gallum ante superius ostium hospitalis presentibus Cvonr dicto Aerger et Johanne filio suo Volr dicto Wirt Cvonr dicto Voeli Wernhero dicto Hvnt et aliis fide dignis in testimonium ad hoc vocatis Ad maiorem eciam certitudinem premissorum sigillo communitatis sancti Galli et sigillis nostris presens instrumentum procuravimus consignari Datum ubi actum anno ab incarnacione domini MCCLXXXXIIII XI kl marcii