Charter Document - 04060344
| Charter Number: | 04060344 |
|---|---|
| Cartulary Title: | Chartularium Sangallense IV [St. Gallen] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1294 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine domini amen Nos Wilh[el]m[us] dei gratia abbas [] totusque conventus monasterii sancti Galli omnibus presentium inspectoribus subscriptarum rerum noticiam et salutem in domino sempiternam Ad universitatis vestre noticiam instrumento presenti volumus pervenire quod cum [] priorissa et conventus sororum de Prato extra muros oppidi sancti Galli ortos quos pro quondam Rud dicto Schili pro quinque libris denariorum Const[antiensium] emerunt ad manus nostras sponte ac voluntate libera resignarint nos iamdictis [] priorisse et conventui sororum predictarum omnem utilitatem census seu usu fructum quemcumque quem memorate sorores usque in hodiernum diem de supradictis ortis perceperunt de nostri conventus consensu unanimi et expresso presenti instrumento in nomine domini liberaliter indulgemus renuntiantes nichilominus super premissis omni iuris auxilio tam canonici quam civilis In cuius rei testimonium instrumentum presens damus [] priorisse et sororibus antedictis sigillo nostro nostrique conventus robore communitum Dat apud sanctum Gallum anno domini MCCXCIIII XVII kl mart indict VII