Charter Document - 04060340

Allen dien die disen gegenwrtigen brief sechent oder lesen kunden wir Elsabetha du greuinne von Honberg vnd frovwe ze Raprehtswiler daz wir ein vorderunge vnd ein ansprache hatton gegen dem goteshus von dien Einsidellen vmb den meigerhof ze Britton vnd vmb du gueter ze Vinsterse gegen lenes rechte Wand wir nv an wizzigen luten vns des ervarn han daz wir an dien selben guetern nicht rechtes haben enkeinen wek so han wir vns encigen mit vnserm vogte graven Friderich von Toggenburg der vns in dirre sacha mit vrteilde gegeben wart vnd mit Wernher Rvodolfe vnd Ludwige vnsren kinden aller der vorderunge vnd aller der anspracha so wir dekeinen wek von dekeiner slachte sache gegen dem vorgenanden gotshus vmb du selben gueter haben moechtin Vnd daz daz vorgeschnben gotshus deste sicherre si iemer me so han wir gesworn ze den heiligen einen gestaboten eit daz wir du vorgenanden gueter niemer me geuorderen noch angesprechen von dekeiner hande rechte vor geistlichem noch vor weltlichem gerichte Daz dis stete belibe so geben wir du vorgenande Elsabeta disen gegenwrtigen brief dem vorgenanden gotshus besigelt mit vnserm insigel ze einem offennen vrkunde Dirre brief wart gegeben ze Zvrich do von gots geburt waren zweihundert vnd nvncig jar dar nach in dem dritten iare an dem fritage vor sant Cecilivn mes do ze gegene waren her Heinrich von Kloton her Rud von Bekenhouen her Johs Futschi her Rvedger von Werdegge rittera Hug Brvno Heinr a dem Tvrne Arnold sin vetter her Wernh Biberlin Jacob der schultheize von Raprechtswiler Johs der Schupher vnd ander biderbe lute