Charter Document - 04060339
| Charter Number: | 04060339 |
|---|---|
| Cartulary Title: | Chartularium Sangallense IV [St. Gallen] |
| Charter Language: | German |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
In dem namen vnsers herren amen Allen den die disen gegenwrtigen brief lesint alder hoerint lesin den kvntde ich swester Engilbvrch dv aebtissinne vnd alle der convent von Magginovwe dc wir dem gotshvse ze sante Gallen han gegebin mit allem rehte in den obern hof ze Stamhein vron Adilheide Diethelmis wirtenne von Vorshvsin vnd irv kint dc sv in den selbin hof hoerin svn nach hove lvte rehte Wir verzihin vnz och vnd herre Volrich der Giel aller anesprache vmbe die selbvn vrovwn vnd vmbe irv kint ewelich Dc wir staete behalten dc da vor gescriben ist dar vber han wir disin brief gesigilt mit vnsers closters insigel zeinem staeten vrkvnde Dirre brief wart gegebin ze Magginovwe anno domini MCCLXXXXIII in octava sancti Andree apostoli