Charter Document - 04060332

In nomine domini amen Omnibus et singulis presentium inspectoribus presentibus et futuris Wilhelmus dei gratia abbas totusque conventus monasterii sancti Galli ordinis sancti Benedicti Const[antiensis] dyocesis salutem et noticiam subscriptorum Ne legittimi contractus propter humane memorie lubricum in dubium revertentur expedit ut scripturarum indiciis muniantur Ea propter ad noticiam singulorum quos nosse fuerit oportunum cupimus presentibus pervenire quod cum venerabiles in Christo [] abbatissa et conventus monasterii in Maggenovwe ordinis Cysterciensis Const[antiensis] dyocesis sana et matura deliberatione prehabita pro bono statu et comodo sui monasterii antedicti curiam dictam in Husen sitam inter oppidum Episcopaliscelle et villam in Bvrron cum omnibus suis pertinentibus necnon census provenientes de curia que vulgo dicitur kelnhof sita iuxta ecclesiam in Eilgowe quas curias a nobis sub annuo censu possidebant domine Gerdrudi relicte quondam Rvodolfi dicti Giel militis de Glatebvrc accedente consensu Volrici Gielonis militis filii sui necnon Rvodolfi et Volrici nepotum suorum pro omnibus possessionibus sive bonis sitis in Bvbintal possessionem apprehenderint corporalem dicta Gerdrudis a nostro monasterio in feodum habuit et possedit iusto permutationis titulo donaverint ac permutarint ipsarumque possessionum sive bonorum in Bvobintal dicta Gerdrudi in possessionem corporalem predicte curie in Husen ac censuum de curia cellarii in Eilgowe proveniencium similiter introducta predicte [] abbatissa et conventus monasterii in Maggenovwe et Gerdrudis prefata a nobis cum instancia postularunt ut dicte permutationi tamquam pro bono et comodo utriusque partis rite et legitime celebrate consensum nostrum plenum et expressum adhibere vellemus Nos itaque predictarum [] abbatisse et conventus necnon Gerdrudis prefate postulationibus annuentes dictam permutationem per ipsas initam ratam et gratam habentes eidem permutacioni nostrum consensum plenum et expressum scriptis presentibus adhibemus necnon nos Wilhelmus abbas predictus recepta ad manus nostras ab utraque parcium resignatione de possessionibus permutatis ut superius est expressum memoratis [] abbatisse et conventui monasterii in Maggenovwe possessiones sive bona quas et que memorata Gerdrudis in feodum tenuit nomine nostro nostrique conventus sub annuo censu concessimus ita videlicet ut de ipsis possessionibus in Bvbental suo monasterio contiguis et vicinis singulis annis in festo beati Galli libram unam et fertonem cere pro censu custodi nostro persolvant necnon curiam dictam in Husen et census provenientes de curia prefata in Eilgowe memorate Gerdrudi in feodum concessimus utraque cessione per nos facta cum omni sollempnitate verborum et gestuum debita et consueta Testes quoque qui supradicte permutationis contractui interfuerunt sunt hii dominus Volr de Ramswag canonicus ecclesie Const[antiensis] H rector ecclesie in Eilgovwe Walt rector ecclesie in Herisowe clericis dominus Diethelmus de Gvttingen C pincerna de Landegge H advocatus de Wartinse milites Wilhelmus comes de Montiforti Rvo de Rosinburc Walt minister civitatis Egelofus Monetarius et alii multi fide digni Et ut omnia et singula supradicta robur firmitatis debite sortiantur presentibus in testimonium sigilla nostra duximus appendenda Datum aput sanctum Gallum anno domini MCCLXXXXIII nonas iulii indic IIII Nos abbatissa et conventus monasterii in Maggenovwe supradicti omnia et singula superius prenotata vera esse et ex voluntate nostra processisse recognoscimus et presentibus profitemur et in evidentiam omnium predictorum sigillum nostrum [] abbatisse quo nos et conventus utimur presentibus duximus appendendum Nos quoque Volricus dictus Giel supradicte Gerdrudis filius Rvodolfus et Volricus dicti Giel nepotes Gerdrudis prelibate omnibus et singulis supradictis nostrum consensum adhibemus liberum et expressum et in evidentiam omnium premissorum presentibus sigilla nostra duximus appendenda